തിരുവനന്തപുരം: സര്‍ക്കാര്‍ ജീവനക്കാരുടെ ഔദ്യോഗിക ശമ്പള സോഫ്റ്റ്‌വെയറായ സ്പാര്‍ക്കില്‍ നിന്ന് വ്യക്തിഗത വിവരങ്ങള്‍ ചോര്‍ത്തിയെടുത്ത് സര്‍ക്കാരിന്റെ രാഷ്‌ട്രീയ പ്രചരണങ്ങള്‍ക്ക് ഉപയോഗിച്ച സംഭവത്തില്‍ സമഗ്രമായ അന്വേഷണം വേണമെന്ന് എന്‍ജിഒ സംഘ് ആവശ്യപ്പെട്ടു.
സംസ്ഥാനത്തെ മുഴുവന്‍ സര്‍ക്കാര്‍ ജീവനക്കാരുടെയും വാട്‌സ്ആപ്പ് നമ്പറിലേക്ക് മുഖ്യമന്ത്രിയുടെ പേരിലുള്ള സന്ദേശം അയച്ചിരിക്കുകയാണ്. ജീവനക്കാരുടെ അറിവോ, സമ്മതമോ ഇല്ലാതെ ഫോണ്‍ നമ്പര്‍ ഉള്‍പ്പെടെയുള്ള വിവരങ്ങള്‍ താത്ക്കാലിക ജീവനക്കാരുടെ നിയന്ത്രണത്തിലുള്ള ഐടി ഏജന്‍സിക്ക് കൈമാറുകയും അത് പ്രചരണങ്ങള്‍ക്ക് ഉപയോഗിക്കുകയും ചെയ്തത് ഏറെ ദുരൂഹമാണ്. മുഖ്യമന്ത്രിയുടെ ഓഫീസിനുവേണ്ടി ഔദേ്യാഗിക രേഖകള്‍ ചോര്‍ത്തിയെന്നത് ഏറെ ഗൗരവകരമാണ്. ധനകാര്യ വകുപ്പിന്റെ മേല്‍നോട്ടത്തിലുള്ള സ്പാര്‍ക്കില്‍ നിന്നും ഡാറ്റകള്‍ രഹസ്യമായി ഐടി എജന്‍സിക്ക് കൈമാറി സര്‍ക്കാര്‍ സംവിധാനത്തിന്റെ വിശ്വാസ്യത ഇല്ലാതാക്കിയ കുറ്റക്കാര്‍ക്കെതിരെ നടപടി സ്വീകരിക്കണമെന്ന് കേരള എന്‍ജിഒ സംഘ് സംസ്ഥാന പ്രസിഡന്റ് ജെ. മഹാദേവന്‍, ജനറല്‍ സെക്രട്ടറി എസ്. രാജേഷ് എന്നിവര്‍ ആവശ്യപ്പെട്ടു.
