തിരുവനന്തപുരം: ജന്മഭൂമി സുവര്ണജൂബിലി ആഘോഷങ്ങളോടനുബന്ധിച്ച് സംഘടിപ്പിക്കുന്ന ആരോഗ്യ സെമിനാര് നാളെ രാവിലെ 10ന് ശംഖുംമുഖം ഉദയ സ്യൂട്ടില് നടക്കും.
‘കേരളത്തിലെ ആരോഗ്യരംഗത്തെ പ്രശ്നങ്ങളും പരിഹാര പ്രയത്നങ്ങളും’ എന്ന സെമിനാര് നാഷണല് മെഡിക്കല് കൗണ്സില് കമ്മിഷന് (എന്എംസി) ചെയര്മാന് ഡോ. ബി.എന്. ഗംഗാധര് ഉദ്ഘാടനം ചെയ്യും.
ആരോഗ്യ സര്വകലാശാലയുടെയും കേരള സര്വകലാശാലയുടെയും വിസി ഡോ. മോഹനന് കുന്നുമ്മല് അധ്യക്ഷനാകും. ജന്മഭൂമി സുവര്ണ ജൂബിലി ആഘോഷകമ്മിറ്റി ജനറല് കണ്വീനര് ഡോ. സി. സുരേഷ് കുമാര് ആമുഖ പ്രഭാഷണം നടത്തും. ജവഹര്ലാല് നെഹ്റു ട്രോപ്പിക്കല് ബൊട്ടാണിക്കല് ഗാര്ഡന് ആന്ഡ് റിസര്ച്ച് സെന്റര് സീനിയര് സയന്റിസ്റ്റ് ഡോ. വിനോദ്കുമാര് ടി.ജി., ആള്സെയിന്റ്സ് കോളജ് അസോ. പ്രൊഫസര് ഡോ. എം.എസ്. രാജശ്രീ എന്നിവര് സംസാരിക്കും. സംവാദത്തില് ആരോഗ്യമേഖലയിലെ സ്ഥാപന മേധാവികള്, വിദ്യാഭ്യാസ വിദഗ്ദ്ധര്, ആരോഗ്യപ്രവര്ത്തകര് തുടങ്ങിയവരുമായി എന്എംസി ചെയര്മാന് ഡോ. ബി.എന്. ഗംഗാധര് സംവദിക്കും.
