എറണാകുളം: തൃക്കാക്കര കെന്നഡിമുക്ക് ജേര്‍ണലിസ്റ്റ് നഗറില്‍ രണ്ടര മാസം പ്രായമുള്ള പെണ്‍കുഞ്ഞ് മരിച്ച നിലയില്‍ . കര്‍ണാടക സ്വദേശികളായ യൂസഫ്ഖാന്‍-ചാമ്പ ദമ്പതികളുടെ കുഞ്ഞാണ് മരിച്ചത്.
മുലപ്പാല്‍ തൊണ്ടയില്‍ കുടുങ്ങിയാണ് മരണമെന്നാണ് സംശയിക്കുന്നത്. ഇന്നലെ രാത്രി കുഞ്ഞുമായി കിടന്നുറങ്ങവെ അമ്മ മുലപ്പാല്‍ നല്‍കിയിരുന്നു. ഇതിനിടെ അമ്മ ഉറങ്ങിപ്പോയെന്നാണ് വിവരം.രാവിലെ കുട്ടി ഉണരാതിരുന്നതോടെ ആശുപത്രിയില്‍ എത്തിച്ചു. എന്നാല്‍, മരണം സംഭവിച്ചിരുന്നു.
മൃതദേഹം ജനറല്‍ ആശുപത്രിയില്‍. പോസ്റ്റ്‌മോര്‍ട്ടത്തിന് ശേഷം മാതാപിതാക്കള്‍ക്ക് വിട്ട് നല്‍കും.
