ഗാസാസിറ്റി: വെറും 36മണിക്കൂറിനുള്ളിൽ ഗാസയിൽ കൊല്ലപ്പെട്ടത് 436 പേർ.ഗാസയിലെ വിവിധ മേഖലകളില് ഇസ്രയേല് നടത്തിയ വ്യോമാക്രമണങ്ങളില് 436 പേര് കൊല്ലപ്പെട്ടെന്നാണ് കണക്കുകള്. കൊല്ലപ്പെട്ടവരില് ഭൂരിഭാഗവും സ്ത്രീകളും കുട്ടികളുമാണെന്നും റിപ്പോര്ട്ടുകള് വ്യക്തമാക്കുന്നു.ആക്രമണത്തില് തകര്ന്ന അവശിഷ്ടങ്ങള്ക്കിടയില് കുടുങ്ങിക്കിടക്കുന്നവരെ കണ്ടെത്തുന്ന സാഹചര്യത്തില് മരണ സംഖ്യ ഇനിയും ഉയരുമെന്ന് അല്ജസീറ റിപ്പോര്ട്ട് ചെയ്യുന്നു.‘ചൊവ്വാഴ്ച ഉച്ചകഴിഞ്ഞ് രണ്ടോടെ യാണ് ഗാസയിലെ 23 ഓളം കേന്ദ്രങ്ങളില് ഇസ്രയേല് വ്യോമാക്രമണം നടത്തിയത്.
ജബാലിയ, ബെയ്റ്റ് ഹനൂണ്, ഗാസ സിറ്റി, നുസൈറാത്ത്, ദെയ്ര് എല്-ബലാഹ്, ഖാന് യൂനിസ്, റഫ എന്നിവയുള്പ്പെടെ ഗാസ മുനമ്പിലെ ഒട്ടുമിക്ക ജനവാസ പ്രദേശങ്ങളിലും ഇസ്രായേല് ആക്രമണം അരങ്ങേറിയിരുന്നു. സുരക്ഷിത മാനുഷിക മേഖലകളായ അല്-മവാസി ഉള്പ്പെടെയുള്ള ഇടങ്ങളും ആക്രമിക്കപ്പട്ടതായാണ് റിപ്പോര്ട്ടുകള്.പടിഞ്ഞാറന് ഗാസ സിറ്റിയില്, അല്-റാന്റിസി ചില്ഡ്രന്സ് ഹോസ്പിറ്റലിന് ലക്ഷ്യമിട്ടായിരുന്നു ആക്രമണം അരങ്ങേറിയത്. ഇവിടെ തീവ്രവാദികൾ സാധാരണക്കാർ താമസിക്കുന്നയിടത്താണ് ഒളിച്ചു തങ്ങുന്നത്.
ഗാസ സിറ്റിയിലെ ദരാജിലെ അല്-താബിന് സ്കൂള്, റഫ സിറ്റി പടിഞ്ഞാറന് മേഖലയിലെ ദാര് അല്-ഫാദില സ്കൂള് തുടങ്ങിയ അഭയാര്ത്ഥി കേന്ദ്രങ്ങളും ബോംബാക്രമണത്തില് തകര്ന്നു. ഇവിടങ്ങളില് മാത്രം കുറഞ്ഞത് 25 പേര് കൊല്ലപ്പെട്ടിട്ടുണ്ടെന്നാണ് റിപ്പോര്ട്ടുകള് പറയുന്നത്.
