തനിക്ക് കിട്ടിയ കഴിവ് തന്റെ പരിമിതിയായി മാറിയാൽ ഒരു സൂപ്പർ ഹീറോയ്‌ക്ക് എന്ത് സംഭവിക്കും? അതാണ്‌ അനന്തൻ ജി റ്റി സംവിധാനം ചെയ്ത ബേബിയുടെ പ്രമേയം.
പ്രേമലുവിന് ശേഷം ശ്യാം മോഹൻ ബേബി എന്ന ടൈറ്റിൽ കഥാപാത്രത്തിൽ എത്തുന്ന ചിത്രം വളരെ മികച്ച അഭിപ്രായങ്ങളോടെ ആണ് യൂട്യൂബിൽ മുന്നേറുന്നത്. ഇത് വരെ ഒരു
ലക്ഷത്തിലധികം കാഴ്ചക്കാരെ യൂട്യൂബിലൂടെ ബേബിക്ക് നേടാൻ സാധിച്ചിട്ടുണ്ട്.
താൻ കാരണം സ്വയമേ ഒറ്റപ്പെടുകയും തന്റെ അച്ഛനെ മറ്റുള്ളവരുടെ മുന്നിൽ തലകുനിച്ചു നിർത്തുകയും, ഇത്തരത്തിൽ കുഞ്ഞു നാള് തൊട്ടുള്ള കാര്യങ്ങൾ സ്വന്തം സെൽഫ് കോണ്‍ഫിഡന്‍സിനെ ബാധിക്കുകയും ചെയ്യുന്നത് ഒരു വ്യക്തിയെ എങ്ങനെ ബാധിക്കും എന്നുള്ളത് വളരെ മികവോടെയാണ് ശ്യാം മോഹൻ അവതരിപ്പിച്ചിരിക്കുന്നത്
കയ്യടക്കത്തോടുള്ള അവതരണമാണ് ബേബിയുടെ പ്രത്യേകത മിന്നൽ മുരളി പോലൊരു സിനിമക്ക് സാധ്യത തന്നുകൊണ്ടാണ് ബേബി അവസാനിക്കുന്നത്.
സ്താനാർത്തി ശ്രീക്കുട്ടൻ, പേരിലൂർ പ്രീമിയർ ലീഗ് എന്നീ ചിത്രങ്ങളുടെ ഛായാഗ്രാഹകൻ കൂടിയായ അനൂപ് വി ശൈലജയുടെ ഗംഭീര ഫ്രെയിംസും കഥയുടെ ഫ്ലോ നിലനിർത്തിയുള്ള കൈലാഷ് എ സ് ഭവന്റെ എഡിറ്റിങ്ങും കഥ പറച്ചിലിന് ഗുണകരമായി. സ്താനാർത്തി ശ്രീകുട്ടന്റെ എഴുത്തുകാരിൽ ഒരാൾ കൂടിയായ കൈലാഷ് എസ് ഭവൻ “ബേബി “ യുടെ സംഭാഷണവും നിർവഹിച്ചിരിക്കുന്നു.
കണ്ണൻ നായർ, ഗായത്രി ഗോവിന്ദ്, ജിജോ ജേക്കബ്, ഗായത്രി മയൂര, ശ്രീരംഗ് ഷൈൻ എന്നിവരാണ് മറ്റ് അഭിനേതാക്കൾ. മുഖ്യ സംവിധാന സഹായി-കൈലാഷ് എസ് ഭവൻ
പശ്ചാത്തല സംഗീതം- വിഷ്ണു ദാസ്, കലാസംവിധാനം- രാഹുൽ എം ധരൻ, വിശ്വൽ എഫക്ട് – ശ്രീജിത്ത്‌ കലൈയരസ്സ്.ശബ്ദ മിശ്രണം – മനോജ്‌ വൈ ടി,സംഘട്ടനം – റോബിൻ
ചമയം – ദീപു ബാലു ഉപശീർഷകം- അഹലിയ ഉണ്ണികൃഷ്ണൻ
ബേബി ഇപ്പോൾ യൂട്യൂബിൽ ലഭ്യമാണ്
