തിരുവനന്തപുരം: കാട്ടാക്കട കുറ്റിച്ചലില് പ്ലസ് വണ് വിദ്യാര്ഥി സ്കൂളില് ജീവനൊടുക്കിയ സംഭവത്തില് ആരോപണ വിധേയനായ ക്ലര്ക്കിനെ സസ്പെന്റ് ചെയ്തു. പരുത്തിപ്പളളി ഗവ.വിഎച്ച്എസ്എസിലെ ക്ലര്ക് ജെ സനലിനെയാണ് അന്വേഷണ വിധേയമായി സസ്പെന്റ് ചെയ്തത്.
വിദ്യാര്ത്ഥിയെ ആത്മഹത്യ ചെയ്ത നിലയില് കണ്ടെത്തിയ സംഭവത്തില് കൊല്ലം മേഖലാ അസിസ്റ്റന്റ് ഡയറക്ടറും, പരുത്തിപ്പളളി ഗവ.വിഎച്ച്എസ്എസ് പ്രിന്സിപ്പാളും സമര്പ്പിച്ച റിപ്പോര്ട്ട് പ്രകാരമാണ് നടപടി. സ്കൂളില് പ്രോജക്ട് സമര്പ്പിക്കേണ്ട ദിവസമാണ് വിദ്യാര്ത്ഥിയെ തൂങ്ങി മരിച്ച നിലയില് കണ്ടെത്തിയത്.
വിദ്യാര്ത്ഥിയെ ക്ലര്ക്ക് അധിക്ഷേപിക്കുകയും ഭീഷണിപ്പെടുത്തുകയും ചെയ്തുവെന്ന് കുടുംബം ആരോപിച്ചിരുന്നു. എന്നാല് ആരോപണം ക്ലര്ക്ക് നിഷേധിച്ചു.
