തിരുവനന്തപുരം: ക്രിസ്മസ്പുതുവത്സര ബമ്പര് ഒന്നാം സമ്മാനം 20 കോടി അടിച്ചത് കണ്ണൂര് ഇരിട്ടി സ്വദേശി സത്യന് തന്നെ. സത്യന് സമ്മാനാര്ഹമായ ടിക്കറ്റ് ഇരിട്ടി ഫെഡറല് ബാങ്ക് ശാഖയില് നല്കി.
മേല്വിലാസം പുറത്തുവിടാന് താത്പര്യപ്പെടുന്നില്ലെന്ന് സത്യന് ബാങ്ക് അധികൃതരെ അറിയിച്ചു. സത്യനാണ് സമ്മാനാര്ഹമായ ടിക്കറ്റ് വാങ്ങിയതെന്ന് ഇന്നലെ വാര്ത്ത വന്നിരുന്നെങ്കിലും ഇദ്ദേഹത്തെ ബന്ധപ്പെടാന് കഴിഞ്ഞിരുന്നില്ല. കണ്ണൂര് ചക്കരക്കല് ആസ്ഥാനമായുളള മുത്തു ലോട്ടറി ഏജന്സി വഴിയാണ് ഒന്നാംസമ്മാനത്തിന് അര്ഹമായ XD 387132 ടിക്കറ്റ് വിറ്റത്.
ഒരു കോടി രൂപ വീതം 20 പേര്ക്കാണ് രണ്ടാം സമ്മാനം. 10 ലക്ഷം വീതം ഓരോ പരമ്പരക്കും 3 വീതം ആകെ 30 പേര്ക്ക് മൂന്നാം സമ്മാനമുണ്ട്.നാലാം സമ്മാനമായി 3 ലക്ഷം വീതം ഓരോ പരമ്പരക്കും 2 വീതം 20 പേര്ക്കും ലഭിക്കും.അഞ്ചാം സമ്മാനം 2 ലക്ഷം രൂപ വീതം ഓരോ പരമ്പരയ്ക്കും രണ്ട് വീതം 20 പേര്ക്കുമാണ് നല്കുന്നത്. ഒന്നാം സമ്മാനത്തിന്റെ ലോട്ടറി വിറ്റ ഏജന്റിനും ഒരുകോടി സമ്മാനത്തുക ലഭിക്കും.
