ഹൈദരാബാദ്: ഹിന്ദു ആചാരപ്രകാരമുള്ള ചടങ്ങുകള് കൃത്യമായി പാലിക്കണം എന്ന് തീരുമാനമുള്ള നടിയാണ് സാമന്ത റൂത്ത് പ്രഭു. തെലുങ്കിലെ സൂപ്പര് സ്റ്റാറായ നാഗചൈതന്യയില് നിന്നും വിവാഹമോചനം നേടിയ ശേഷം രാജ് എന്ന സംവിധായകനെയാണ് വിവാഹം കഴിച്ചത്. ഇതില് ഗര്ഭം ധരിച്ച സാമന്ത ആദ്യകുഞ്ഞിനെ പ്രസവിക്കാനൊരുങ്ങുകയാണ്. അതിന് മുന്നോടിയായാണ് പരമ്പരാഗത ‘ബേബി ഷവർ’ ചടങ്ങ് നടത്തിയത്. ഇതിന്റെ ചിത്രങ്ങളും നടി പങ്കുവെച്ചു.
രാജ് നിഡിമോരു സംവിധാനം ചെയ്ത മാ ഇന്തി ബംഗാരം എന്ന സാമന്ത നായികയായ സിനിമ സൂപ്പര് ഹിറ്റായിരുന്നു. അതിന് ശേഷമാണ് സാമന്ത പ്രസവിക്കാനായി സിനിമയില് നിന്നും വിട്ടുനില്ക്കുകയാണിപ്പോള്.
ബേബി ഷവര് ചടങ്ങില് ഭര്ത്താവ് രാജ് നിഡിമോരുവുമായും കുടുംബാംഗങ്ങളുമൊത്തും ഉള്ള ചിത്രങ്ങളാണ് പങ്കുവെച്ചിരിക്കുന്നത്. ചിത്രങ്ങൾ പങ്കുവെച്ചുകൊണ്ട്, വെള്ള ഹൃദയ ചിഹ്നങ്ങൾക്കൊപ്പം “ഞങ്ങൾ” എന്നാണ് സാമന്ത കുറിച്ചിരിക്കുന്നത്. ഒന്നില് സാമന്തയും രാജും ആഴത്തില് പ്രാര്ത്ഥിച്ചിരിക്കുന്ന ചിത്രവും ഉണ്ട്. വീട്ടുകാരായ സ്ത്രീകള്ക്കൊപ്പമുള്ള ഒരു ചിത്രവും കാണാം. 2026 അവസാനത്തോടെ കുഞ്ഞ് പിറക്കും.


















