മുംബൈ: ഒരിടവേളയ്ക്ക് ശേഷം വീണ്ടും ഭക്തിഗാനത്തിലേക്ക് തിരിഞ്ഞ് ബോളിവുഡ് ഗായിക ശ്രേയ ഘോഷാല്. ‘ആയിയേ രാം ജീ…’ (ശ്രീരാമ വന്നാലും…) എന്ന് ആരംഭിക്കുന്ന ഗായിക ശ്രേയ ഘോഷാലിന്റെ ഏറ്റവും പുതിയ ഭക്തിഗാനം ശ്രദ്ധേയമാവകയാണ്.
ഹൃദയമുരുകുന്ന രാമഭക്തിഗാനം ശ്രേയ ഘോഷാല് പാടുന്നത് അപൂര്വ്വം. ജാനി രചിച്ച് പ്രാക് സംഗീതം ചെയ്ത ഗാനമാണിത്. പ്രതീക്ഷയും ഭക്തിയും നിറഞ്ഞ ഭക്തിഗാനം. ശ്രീരാമന് വന്ന് രക്ഷിക്കും എന്ന കാത്തിരിപ്പ്. ഇതെല്ലാമാണ് ഈ ഗാനത്തില്.
“ഒരു ഭക്തിഗാനത്തിന് ശബ്ദം നല്കേണ്ടിവന്നത് അനുഗ്രഹമായി കാണുന്നു. ഈ ഭക്തിഗാനം അങ്ങേയറ്റം ഭക്തിയുണര്ത്തുന്ന, വിശുദ്ധമായ അനുഭവം ഉണ്ടാക്കുന്ന ഒന്നായിരുന്നു.”- ശ്രേയ ഘോഷാല് പറയുന്നു.
ശ്രിയ ശരണ് ആണ് ഈ ഭക്തിഗാനത്തില് അഭിനയിക്കുന്നത്. പ്രായഭേദമേന്യ എല്ലാവരെയും ആകര്ഷിക്കുന്ന ഭക്തിഗാനങ്ങള് ഉണ്ടാകേണ്ടിയിരിക്കുന്നുവെന്ന് സംഗീതസംവിധായകന് പ്രാക് പറയുന്നു. “ഭക്തിഗാനത്തിന് ഒരു റെക്കോഡ് ലേബല് വരേണ്ടിയിരിക്കുന്നു. കാരണം ജനങ്ങള് കൂടുതല് ഭക്തിയേയും ആത്മീയതയേയും ആശ്രയിക്കുന്ന കാലമാണിത്.”- പ്രാക് പറയുന്നു.
ഇതിന് മുന്പും ശ്രേയഘോഷാല് ഭക്തിഗാനങ്ങള് ആലപിച്ചിട്ടുണ്ട്. ‘ഹര് ഹര് മഹാദേവ്’, ‘ശിവ താണ്ഡവ സ്തോത്രം’ തുടങ്ങി ഒട്ടേറെ ഗാനങ്ങള് ഇതിന് മുന്പും ശ്രേയ ഘോഷാല് ആലപിച്ചിട്ടുണ്ട്.
ഗാനത്തിന്റെ വീഡിയോ കാണാം:
