കര്ണാടക: പാര്ലമെന്റ് നിരന്തരം സ്തംഭിപ്പിക്കാന് ഇടയാക്കിയ രാഹുല് ഗാന്ധിയുടെ നിലപാടിനെതിരെ കോണ്ഗ്രസിന്റെ ബളഗാവി സമ്മേളനത്തില് ശശി തരൂര് എംപിയുടെ വിമര്ശനം. പാര്ലമെന്റ് സ്ഥിരമായി സ്തംഭിപ്പിക്കുന്നതിനോട് യോജിപ്പില്ലെന്ന് ശശി തരൂര് വ്യക്തമാക്കി. സംവാദങ്ങള് നടക്കാത്തവിധം തുടര്ച്ചയായി പാര്ലമെന്റ് സ്തംഭിപ്പിക്കുന്നത് ഭരണപക്ഷത്തിന് ഗുണംചെയ്യാനാണെന്ന് തരൂര് കുറ്റപ്പെടുത്തി. എന്നാല് പ്രകോപനം ഉണ്ടാക്കി ബിജെപിയാണ് പാര്ലമെന്റ് സ്തംഭിപ്പിക്കാന് പ്രേരിപ്പിച്ചതെന്നാണ് രാഹുല് ഗാന്ധിയുടെ ന്യായീകരണം.
അടുത്ത തെരഞ്ഞെടുപ്പിലെങ്കിലും വിജയിക്കാതെ പാര്ട്ടിക്ക് പിടിച്ചുനില്ക്കാനാവില്ലെന്ന വികാരമാണ് രാഹുല് അടക്കമുള്ളവര് പങ്കുവെച്ചത്. സംഘടനാപരമായ അലംഭാവം ഇനി തുടരാന് കഴിയില്ല. പാര്ട്ടിയുടെ ദൗര്ബല്യം പരിശോധിക്കപ്പെടണം. നേതൃത്വത്തില് എത്തുന്നവര് ഉത്തരവാദിത്വബോധമുള്ളവരാണെന്ന് ഉറപ്പുവരുത്തണമെന്ന് കെസി വേണുഗോപാലും നിര്ദേശിച്ചു. മഹാരാഷ്ട്രയിലെ ദയനീയ പരാജയം സംസ്ഥാനത്തിന്റെ ചുമതലയുണ്ടായിരുന്ന തന്റെ കുഴപ്പം കൊണ്ടല്ലെന്ന് വിശദീകരിക്കാനാണ് രമേശ് ചെന്നിത്തല ശ്രമിച്ചത്. കൊടിക്കുന്നില് സുരേഷും ചര്ച്ചയില് പങ്കെടുത്തു.
പാര്ലമെന്റ് സ്തംഭിപ്പിക്കല്: ബളഗാവി സമ്മേളനത്തില് രാഹുല് ഗാന്ധിയെ വിമര്ശിച്ച് ശശി തരൂര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.