ന്യൂഡൽഹി : മുന് പ്രധാനമന്ത്രി ഡോ .മന്മോഹന് സിംഗ് (92)അന്തരിച്ചു. ആരോഗ്യനില വഷളായതിനെ തുടർന്ന് ഡൽഹി എയിംസിൽ പ്രവേശിപ്പിച്ചിരിക്കുകയായിരുന്നു.
ആരോഗ്യപരമായ കാരണങ്ങളാൽ രാഷ്ട്രീയത്തിൽ നിന്ന് വിട്ടുനിൽക്കുകയായിരുന്നു, 2024 ജനുവരിയിൽ മകളുടെ പുസ്തക പ്രകാശന ചടങ്ങിലായിരുന്നു അവസാനമായി പങ്കെടുത്തത് .
1991-96 കാലത്ത് നരസിംഹ റാവു മന്ത്രിസഭയിൽ ധനകാര്യ മന്ത്രിയായാണ്മന്മോഹന് സിംഗ് ശ്രദ്ധിക്കപ്പെട്ടത്. പിന്നീട് 2004 മുതൽ 2014 വരെ രാജ്യം ഭരിച്ച യുപിഎ സർക്കാരിൽ പ്രധാനമന്ത്രിയായി. രാജ്യസഭാംഗമായി ഇക്കഴിഞ്ഞ ഏപ്രിലിൽ കാലാവധി അവസാനിച്ച ശേഷം വിശ്രമജീവിതം നയിക്കുകയായിരുന്നു.
1932 സെപ്റ്റംബർ 26ന് അവിഭക്ത ഇന്ത്യയിലെ പഞ്ചാബ് പ്രവിശ്യയിലാണ് മൻമോഹൻ സിംഗ് ജനിച്ചത്. 1948-ൽ പഞ്ചാബ് സർവകലാശാലയിൽ നിന്ന് മെട്രിക്കുലേഷൻ പരീക്ഷ പൂർത്തിയാക്കി. ഇംഗ്ലണ്ടിലെ കേംബ്രിഡ്ജ് സർവകലാശാലയിൽ നിന്ന് 1957-ൽ സാമ്പത്തിക ശാസ്ത്രത്തിൽ ഒന്നാം ക്ലാസോടെ ബിരുദം നേടി. പിന്നീട് 1962-ൽ ഓക്സ്ഫോർഡ് യൂണിവേഴ്സിറ്റിയിലെ നഫ്ഫീൽഡ് കോളേജിൽ നിന്ന് സാമ്പത്തിക ശാസ്ത്രത്തിൽ ഡി.ഫിൽ ഓണേഴ്സ് നേടി.
അദ്ധ്യാപകനായിട്ടാണ് ഔദ്യോഗിക ജീവിതം ആരംഭിച്ചത്. 1972 മുതല് 1976 വരെ കേന്ദ്ര സര്ക്കാരിന്റെ മുഖ്യ ധനകാര്യ ഉപദേഷ്ടാവായിരുന്നു .1982-85 കാലയളവില് റിസര്വ് ബാങ്ക് ഗവര്ണറായി പ്രവര്ത്തിച്ചു.
ഇന്ത്യന് സാമ്പത്തിക രംഗത്തെ ഉടച്ചുവാര്ത്ത ധനമന്ത്രിയെന്നാണ് മന്മോഹന് സിംഗിനെ വിശേഷിപ്പിക്കുന്നത്. .ഇന്ത്യയുടെ സാമ്പത്തിക സ്വതന്ത്രവൽക്കരണത്തിന് തുടക്കംകുറിച്ച്, രാജ്യത്തെ ആഗോള വിപണിയിലേക്ക് തുറന്നുകൊടുക്കുന്ന ദിശയിൽ നിർണ്ണായക പങ്കുവഹിച്ചു.സാമ്പത്തിക നയങ്ങൾക്ക് പുറമേ, ബാങ്കിങ് മേഖലയിലെ പരിഷ്കാരങ്ങൾ, കാർഷികവായ്പ എഴുതിത്തളളൽ, ദേശീയ ഗ്രാമീണ തൊഴിലുറപ്പ് പദ്ധതി, ദേശീയ റൂറൽ ഹെൽത്ത് മിഷൻ, യൂണിക്ക് െഎഡറ്റിഫിക്കേഷൻ അതോറിറ്റി ഒാഫ് ഇന്ത്യ രൂപീകരണം, വിവരാവകാശ നിയമം തുടങ്ങിയ പ്രവർത്തനങ്ങളും ശ്രദ്ധേയമായിരുന്നു.
രാജ്യം കണ്ട ഏറ്റവും മികച്ച സാമ്പത്തിക വിദഗ്ധരില് ഒരാള്. ഇന്ത്യയുടെ സാമ്പത്തിക പരിഷ്കരണത്തിന്റെ സൂത്രധാരന്. രാജ്യത്തിന്റെ സാമ്പത്തിക രംഗം മാറ്റിയെഴുതിയ ധനമന്ത്രി. നെഹ്റുവിന് ശേഷം തുടര്ച്ചയായി പ്രധാനമന്ത്രിയാകുന്ന കോണ്ഗ്രസുകാരന്. ബാങ്കിങ് മേഖലയിലെ പരിഷ്കാരങ്ങള്, കാര്ഷിക വായ്പ എഴുതിത്തളളല്, ദേശീയ ഗ്രാമീണ തൊഴിലുറപ്പ് പദ്ധതി, ദേശീയ റൂറല് ഹെല്ത്ത് മിഷന്, വിവരാവകാശ നിയമം, വനാവകാശ നിയമം, റൈറ്റ് ടു ഫെയര് കോംപന്സേഷന് നിയമം തുടങ്ങി മനുഷ്യപക്ഷത്ത് നിന്നുള്ള വിപ്ലവകരമായ തീരുമാനങ്ങള് എടുത്ത ഭരണാധികാരി .
മന്മോഹന് സിംഗിന്റെ സംസ്കാരം ഡൽഹിയിൽ ഔദ്യോഗിക ബഹുമതികളോടെയായിരിക്കും. ഭാര്യ:ഗുര്ശരണ് കൗര്.
മക്കള്: ഉപീന്ദര് സിങ്, ദാമന് സിങ്, അമൃത് സിങ്
