തൃശൂര്: ആനമല അന്തര്സംസ്ഥാന പാതയില് വേണ്ട ക്രമീകരണം നടത്താതെ ടാറിംഗ് മൂലം വാഹന യാത്രക്കാര് ദുരിതത്തിലായി. മണിക്കൂറുകളോളമാണ് ഇതുവഴിയുള്ള വാഹന ഗതാഗതം തടസപ്പെട്ടുത്.
ചാലക്കുടി മലക്കപ്പാറ റൂട്ടില് റോപ്പുമട്ടം മുതല് കടമറ്റം വരെയുള്ള ഭാഗത്താണ് വാഹന നിയന്ത്രണം ഏര്പ്പെടുത്താതെ ടാറിംഗ് നടത്തിയത്.
സഞ്ചാരികളുടെ വാഹനങ്ങളും സ്വകാര്യ ബസുകളും മണിക്കൂറോളം റോഡില് കുടുങ്ങി.ഇത് മൂലം വാഹനങ്ങളുടെ നീണ്ടനിരയാണ് പ്രദേശത്ത് ഉണ്ടായത്.ടാറിംഗ് പ്രവര്ത്തികള് നടക്കുന്നത് സംബന്ധിച്ച് ഒരു മുന്നറിയിപ്പും ഉണ്ടായിരുന്നില്ലെന്ന് പരാതി ഉയര്ന്നു.
