ന്യൂഡല്ഹി: ഹൗസ് സര്ജന്സി ചെയ്യന്ന ഡോക്ടര്മാര്ക്കും പിജി സ്റ്റുഡന്റ്സിനും നല്കുന്ന സ്റ്റൈപ്പന്ഡ് എത്രയെന്ന വിവരം അറിയിക്കാതെ കേരളത്തിലെ 10 കോളേജുകള്. രാജ്യത്തെ ഇത്തരം198 മെഡിക്കല് കോളജുകള്ക്ക് ദേശീയ മെഡിക്കല് കമ്മീഷന് കാരണം കാണിക്കല് നോട്ടീസ് അയച്ചിരിക്കയാണിപ്പോള്.കേരളത്തില് കോട്ടയം, ടി.ഡി , കോന്നി, ഇടുക്കി, പാരിപ്പള്ളി, പരിയാരം, തൃശ്ശൂരിലെ ജൂബിലി മിഷന്, തൊടുപുഴ അല് അസ്ഹര്, പാലക്കാട് പി കെ ദാസ് ഇന്സ്റ്റിസ്റ്റ്യൂട്ട്, വയനാട് ഡോക്ടര് മൂപ്പന്സ് എന്നീ മെഡിക്കല് കോളേജുകളാണ് പട്ടികയിലുള്ളത്.സുപ്രീംകോടതി ഉത്തരവു പ്രകാരമായിരുന്നു എന് എം സി മെഡിക്കല് കോളേജുകള്ക്ക് നോട്ടീസ് അയച്ചത്. ജൂനിയര് ഡോക്ടര്മാര്ക്ക് നല്കുന്ന സ്റ്റൈപ്പന്ഡ് എത്രയെന്ന വിവരം വെബ്സൈറ്റില് അപ്ലോഡ് ചെയ്യണമെന്ന് ആവശ്യപ്പെട്ട് സര്ക്കുലര് ഇറക്കിയെങ്കിലും 198 മെഡിക്കല് കോളേജുകള് അവഗണിക്കുകയായിരുന്നു.
പല മെഡിക്കല് കോളേജുകളും സ്റ്റൈപ്പന്ഡ് നല്കാതിരിക്കുകയോ, കുറഞ്ഞ തുക നല്കുകയോ ആണ് ചെയ്യുന്നത്. ചില കോളേജുകള് നല്കിയ തുക തിരിച്ചുവാങ്ങുന്നുണ്ടെന്നും ദേശീയ മെഡിക്കല് കമ്മീഷന് കണ്ടെത്തിയിരുന്നു.
സ്റ്റൈപ്പന്ഡ് നല്കുന്നില്ല, കേരളത്തിലെ 10 മെഡിക്കല്കോളേജുകള്ക്ക് എന്എംസിയുടെ ഷോക്കോസ് നോട്ടീസ്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.