കൊച്ചി: സേവനം വൈകിപ്പിക്കുന്നതും അഴിമതിയുടെ പരിധിയില്‍ വരുമെന്ന് വ്യവസായ മന്ത്രി പി.രാജീവ് . സേവനത്തിന്റെ ഗുണമേന്മ അളക്കുന്നത് നിര്‍വ്വഹണത്തിന്റെ സമയം പരിഗണിച്ചാണ്. അതുറപ്പാക്കുന്നതാണ് വിവരാവകാശ നിയമമെന്നും മന്ത്രി പറഞ്ഞു. സംസ്ഥാന വിവരാവകാശ കമ്മിഷന്‍ നിയോജക മണ്ഡലങ്ങളില്‍ സംഘടിപ്പിക്കുന്ന വിവരാവകാശ സെമിനാറുകളുടെ സംസ്ഥാനതല ഉദ്ഘാടനം കുസാറ്റില്‍ നിര്‍വ്വഹിക്കുകയായിരുന്നു മന്ത്രി. കൊളോണിയല്‍ കാലത്താണ് ജനങ്ങളെ സംശയക്കണ്ണോടെ കണ്ടിരുന്നത്. ഉദ്യോഗസ്ഥര്‍ ജനങ്ങളെ വിശ്വാസത്തിലെടുത്ത് പ്രവര്‍ത്തിക്കണം.
നിയമത്തിന്റെ താല്പര്യങ്ങള്‍ സമയ ബന്ധിതമായി സംരക്ഷിക്കുന്നതിന് ഉദ്യോഗസ്ഥര്‍ ശ്രദ്ധിക്കണമെന്ന് ചടങ്ങില്‍ അധ്യക്ഷനായിരുന്ന മുഖ്യ വിവരാവകാശ കമ്മിഷണര്‍ വി.ഹരിനായര്‍ പറഞ്ഞു.
വിവരാവകാശ നിയമത്തിന്റെ രണ്ടു പതിറ്റാണ്ടു കാലത്തെ സേവനങ്ങള്‍ ഉദ്യോഗസ്ഥര്‍ സ്വയം വിചാരണയ്‌ക്ക് വിധേയമാക്കണമെന്ന് വിഷയം അവതരിപ്പിച്ച വിവരാവകാശ കമ്മിഷണര്‍ ഡോ.എ. അബ്ദുല്‍ ഹക്കിം പറഞ്ഞു. ഭരണഘടനാ മൂല്യങ്ങളെ ശക്തിപ്പെടുത്താനും സംരക്ഷിക്കാനും ഈ ആര്‍ ടി ഐ അപേക്ഷകള്‍ക്ക് സത്യസന്ധമായി മറുപടി നല്കുന്ന ഉദ്യോഗസ്ഥരെ കമ്മിഷന്‍ സംരക്ഷിക്കും. ഉദ്യോഗസ്ഥര്‍ ആരുടെയും വഴിച്ചെണ്ടകളെല്ലെന്നും അദ്ദേഹം പറഞ്ഞു.
കമ്മിഷണര്‍മാരായ ഡോ.കെ.എം ദിലീപ്,ഡോ.സോണിച്ചന്‍ പി.ജോസഫ്,അഡ്വ. ടി.കെ. രാമകൃഷ്ണന്‍ എന്നിവര്‍ സംവാദം നയിച്ചു.
Sunday, January 5, 2025
സേവനം വൈകിപ്പിക്കുന്നതും അഴിമതിയെന്ന് മന്ത്രി പി.രാജീവ്, സത്യസന്ധരായ ഉദ്യോഗസ്ഥരെ സംരക്ഷിക്കുമെന്ന് വിവരാവകാശ കമ്മിഷന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: