കോഴിക്കോട് : എരഞ്ഞിപ്പാലത്തെ ലോഡ്ജില് യുവാവിനൊപ്പം മുറിയെടുത്ത യുവതി കൊല്ലപ്പെട്ട കേസില് പ്രതി പിടിയില്.മലപ്പുറം വെട്ടത്തൂര് പട്ടിക്കാട് സ്വദേശി ഫസീല കൊല്ലപ്പെട്ട കേസിലാണ് യുവതിക്കൊപ്പം ലോഡ്ജില് മുറിയെടുത്ത തൃശൂര് തിരുവില്ലാമല സ്വദേശി അബ്ദുള് സനൂഫ് പിടിയിലായത്.
അബ്ദുള് സനൂഫ് ചെന്നെയിലാണ് പിടിയിലായത്.കോഴിക്കോട് നിന്നുള്ള പൊലീസ് സംഘം അബ്ദുള് സനൂഫിനെ കസ്റ്റഡിയിലെടുത്തു. ഫസീലയെ കൊലപ്പെടുത്തിയ ശേഷം അബ്ദുള് സനൂഫ് മുങ്ങുകയായിരുന്നു.
കഴിഞ്ഞ ഞായറാഴ്ചയാണ് ഫസീലയും അബ്ദുള് സനൂഫും എരഞ്ഞിപ്പാലത്തെ ലോഡ്ജില് മുറിയെടുത്തത്.ചൊവ്വാഴ്ച ഫസീലയെ ലോഡ്ജ് മുറിയില് മരിച്ച നിലയില് കണ്ടെത്തി. ഈ സംഭവത്തിന് മുമ്പ് തന്നെ അബ്ദുള് സനൂഫ് ലോഡ്ജില് നിന്ന് കടന്നുകളഞ്ഞിരുന്നു. ഇയാള് ഉപയോഗിച്ച കാര് ചൊവ്വാഴ്ച രാത്രി പാലക്കാട് വെച്ച് പൊലീസ് കണ്ടെത്തി.
നേരത്തേ ഫസീല നല്കിയ പീഡന പരാതിയില് അബ്ദുള് സനൂഫ് ജയിലില് കിടന്നിട്ടുണ്ട്. ഇരുവരും വീണ്ടും അടുത്തിട്ട് കുറച്ച് നാളേ ആയിട്ടുള്ളൂ.മുമ്പ് ഫസീല നല്കിയ പീഡന പരാതിയും തുടര്ന്ന് ജയിലില് കിടക്കേണ്ടി വന്നതിലുമുളള വിരോധമാണ് കൊലപാതക കാരണമെന്നാണ് വിവരം.
