ന്യൂദല്‍ഹി: ലോക്‌സഭാ തെരഞ്ഞെടുപ്പിലേറ്റ ദയനീയ തോല്‍വിക്ക് ജനങ്ങളോട് പ്രതികാരം ചെയ്യുകയാണ് ദല്‍ഹിയിലെ ആപ്പ് സര്‍ക്കാരെന്ന് ബിജെപി എംപി ബാന്‍സുരി സ്വരാജ്. രാജ്യ തലസ്ഥാനത്ത് ആയുഷ്മാന്‍ ഭാരത് പദ്ധതി നടപ്പാക്കാത്തത് ഇതിന്റെ ഭാഗമാണ്. ആപ്പ് സര്‍ക്കാരിന്റെ ജനദ്രോഹ നിലപാടുകള്‍ക്കെതിരെ ദല്‍ഹിയിലെ ഏഴ് എംപിമാരും ചേര്‍ന്ന് ഹൈക്കോടതിയെ സമീപിച്ചതായി ബാന്‍സുരി പറഞ്ഞു.
ആയുഷ്മാന്‍ ഭാരത് പദ്ധതി രാജ്യത്തെ 36 സംസ്ഥാനങ്ങളില്‍ 33ലും കേന്ദ്രഭരണ പ്രദേശങ്ങളിലും ബാധകമാണ്, എന്നാല്‍ ദല്‍ഹിയില്‍ കേജ്‌രിവാളും ആപ്പ് സര്‍ക്കാരും ജനങ്ങള്‍ക്ക് പദ്ധതിയുടെ ആനുകൂല്യം നിഷേധിക്കുന്നു. ദല്‍ഹിയിലെ ആരോഗ്യരംഗം ദയനീയമാണ്. എന്നിട്ടും കേന്ദ്രസഹായം നിഷേധിക്കുന്ന സമീപനമാണ് സര്‍ക്കാര്‍ പുലര്‍ത്തുന്നത്, ബാന്‍സുരി സ്വരാജ് പറഞ്ഞു.
പ്രതികരിക്കാൻ ഇവിടെ എഴുതുക