ജഗിത്യാല ; ചാർജ്ജ് ചെയ്യാൻ വച്ച ഇലക്ട്രിക്ക് ബൈക്ക് പൊട്ടിത്തെറിച്ചു . തെലങ്കാന ജഗിത്യാലയിലാണ് സംഭവം. ബാലപെല്ലി ഗ്രാമത്തിലെ ഭേത്തി തിരുപ്പതി റെഡ്ഡിയുടെ ഇലക്ട്രിക്ക് ബൈക്കാണ് പൊട്ടിത്തെറിച്ചത് .
ഒരു മാസം മുൻപാണ് റെഡ്ഡി ഇലക്ട്രിക് ബൈക്ക് വാങ്ങിയത് . ജോലിയ്‌ക്ക് പോകാനും മറ്റും ഈ ബൈക്കാണ് അദ്ദേഹം ഉപയോഗിച്ചിരുന്നത്. എന്നാൽ കഴിഞ്ഞ ദിവസം ബൈക്കിന്റെ ചാർജ്ജ് കുറഞ്ഞതിനെത്തുടർന്ന് തിരുപ്പതി റെഡ്ഡി തന്റെ വീടിനു മുന്നിലായി ബൈക്ക് ചാർജിംഗ് ചെയ്യാൻ വച്ചു .
എന്നാൽ മിനിറ്റുകൾക്കകം ബൈക്കിന് തീപിടിച്ച് പൊട്ടിത്തെറിക്കുകയായിരുന്നു . ബൈക്കിൽ നിന്ന് തീപടർന്ന് വീടിന്റെ മുൻഭാഗം കത്തിനശിച്ചു.. ബൈക്കിൽ തൂക്കിയിരുന്ന കവറിൽ ഉണ്ടായിരുന്ന രണ്ട് ലക്ഷത്തോളം രൂപയും കത്തിനശിച്ചു . തീ ആളുന്നത് കണ്ട് വീട്ടുകാർ ഭയന്ന് ജീവൻ രക്ഷിക്കാൻ പുറത്തേയ്‌ക്ക് ഓടിയതിനാൽ ആളപായം ഒഴിവായി.
