ചെന്നൈ : എത്ര സുന്ദരിയായി ഇരുന്നാലും പെട്ടെന്നാകും ക്യാന്സര് പിടികൂടുന്നത്. അതിന് ഉദാഹരണമാണ് ചൈനാടൗണ് എന്ന മലയാളം സിനിമയില് അഭിനയിച്ച ശിവാനി ഭായുടെ ജീവിതം.
ഒരു കുഴപ്പവുമില്ലാതെ സന്തോഷത്തോടെ ആടിപാടി ജീവിച്ച ശിവാനി ഭായിയെ ഒരു സുപ്രഭാതത്തിലാണ് ക്യാന്സര് ബാധിക്കുന്നത്. 2022ല് ആയിരുന്നു അത്. ഇപ്പോള് ക്യാന്സറിനെ നേരിട്ടതിനെ കുറിച്ച് പ്രതികരിച്ചിരിക്കുകാണ് നടി ശിവാനി ഭായ്.
ക്യാന്സര് അതിന്റെ മൂന്നാം ഘട്ടത്തിലായിരുന്നു എന്ന് ടെസ്റ്റില് അറിഞ്ഞു എന്നാണ് ശിവാനി പറയുന്നത്.
ശിവാനി കൂടി പങ്കാളിയായ വര്ക്ക് ഫ്രം ഹോം എന്ന സിനിമയുടെ എഡിറ്റിങ് നടക്കുന്ന സമയത്താണ്
ചില അസ്വസ്ഥതകള് തോന്നിയത് കൊണ്ട് ആശുപത്രിയിലെത്തിയില് പരിശോധന നടത്തിയത്. ബയോപ്സി എടുക്കാന് ഡോക്ടര് നിര്ദേശിച്ചു. ഞാന് തകര്ന്നു പോയി. ടെസ്റ്റ് റിപ്പോര്ട്ട് വന്നു. കാന്സര് മൂന്നാം ഘട്ടത്തിലായിരുന്നു അപ്പോള്. പിന്നെ, ചികിത്സയുടെ നാളുകള്. എട്ട് കീമോയും 21 റേഡിയേഷനും. അന്നാണ് പ്രശാന്തിന്റെ യഥാര്ഥ സ്നേഹം ഞാന് തിരിച്ചറിഞ്ഞത്.
രാവും പകലും എന്നോടൊപ്പമുണ്ടായിരുന്നു പ്രശാന്ത് എന്നാണ് ശിവാനി പറയുന്നത്. ക്രിക്കറ്റ് താരം പ്രശാന്ത് പരമേശ്വരനാണ് ശിവാനിയുടെ ഭര്ത്താവ്. ഏറെ നാളത്തെ പ്രണയത്തിനൊടുവില് 2011ല് ആണ് ഇരുവരും വിവാഹിതരായത്.
അണ്ണന്തമ്പി, ചൈനാടൗണ്, ഗുരു തുടങ്ങിയ ചിത്രങ്ങളിലൂടെ ശ്രദ്ധ നേടിയ നടിയാണ് ശിവാനി. ഡിഎന്എ എന്ന മലയാള ചിത്രത്തിലാണ് ശിവാനി ഒടുവില് വേഷമിട്ടത്.
