പത്തനംതിട്ട: ശബരിമല തീര്ത്ഥാടകന് കുഴഞ്ഞ് വീണ് മരിച്ചു. ആന്ധ്രാപ്രദേശ് വിജയപുരം സ്വദേശി മുരുകാചാരി (40) ആണ് മരിച്ചത്.
ശബരിമല കയറവെ നീലിമല ഭാഗത്ത് വെച്ചാണ് കുഴഞ്ഞുവീണത്. പ്രാഥമിക ചികിത്സ നല്കിയെങ്കിലും ജീവന് രക്ഷിക്കാനായില്ല.
ഞായറാഴ്ച വൈകിട്ടാണ് സംഭവം. ആന്ധ്രാപ്രദേശില് നിന്നെത്തിയ സംഘത്തിനൊപ്പം പമ്പയില് നിന്ന് ശബരിമലയിലേക്ക് പോകുന്നതിനിടെ ദേഹാസ്വാസ്ഥ്യമുണ്ടാവുകയായിരുന്നു. നടപടികള് പൂര്ത്തിയാക്കിയശേഷം മൃതദഹം നാട്ടിലേക്ക് കൊണ്ടുപോകും.
