ജോഹന്നസ് ബര്ഗ് : ദക്ഷിണാഫ്രിക്കയ്ക്കെതിരായ നാലാം ടി 20യില് ഇന്ത്യക്ക് കൂറ്റന് സ്കോര്. സഞ്ജു സാംസണിന്റെയും തിലക് വര്മ്മയുടെയും സെഞ്ചവറിയാണ് ഇന്ത്യക്ക് വലിയ സ്കോര് നേടാന് സഹായകമായത്.
ടോസ് നേടി ബാറ്റിംഗ് തെരഞ്ഞെടുത്ത ഇന്ത്യ ഒരു വിക്കറ്റ് നഷ്ടത്തില് 283 റണ്സാണ് നേടിയത്.
സഞ്ജു സാംസണ് 56 പന്തില് പുറത്താകാതെ 109 റണ്സ് നേടി. സഞ്ജുവിന്റെ ഇന്നിംഗസില് ഒമ്പത് സിക്സും ആറ് ബൗണ്ടറികളും ഉള്പ്പെടുന്നു.
തിലക് വര്മ്മ 47 പന്തില് നിന്നാണ് പുറത്താകാതെ 120 റണ്സ് നേടിയത്. താരം പത്ത് സിക്സും ഒമ്പത് ബൗണ്ടറികളും നേടി.
ഇതിനിടെ സഞ്ജുവിന്റെ സിക്സ് ഗാലറിയില് പിച്ച് ചെയ്ത് കളി കാണാനെത്തിയ യുവതിയുടെ മുഖത്ത് കൊണ്ടു. യുവതി വേദന കൊണ്ട് കരയുന്നതും സഞ്ജു എന്തെങ്കിലും പറ്റിയോയെന്ന് ചോദിക്കുന്നതും ദൃശ്യങ്ങളില് കാണാം. യുവതിയുടെ മുഖത്ത് ഐസ് വച്ച് കൊടുക്കുന്നതും ദൃശ്യങ്ങളിലുണ്ട്.
