പത്തനംതിട്ട: തിരുവല്ലയില് 11 ഗ്രാം എംഡിഎംഎ പിടിച്ച സംഭവത്തില് പിടികൂടിയവരില് രണ്ടാമനെയും പൊലീസ് കേസില് പ്രതി ചേര്ത്തു. അടൂര് പറക്കോട് സ്വദേശി റോക്കി റോയിയെ (26) ആണ് അറസ്റ്റ് ചെയ്തത്.
പിടികൂടിയവരില് ഒരാളെ മാത്രം പ്രതിചേര്ത്തത് ഒത്തുകളിയാണെന്ന് ആക്ഷേപം ഉയര്ന്നിരുന്നു. തുടര്ന്നാണ് രണ്ടാമത്തെയാള്ക്കെതിരെയും കേസെടുത്തതും അറസ്റ്റ് രേഖപ്പെടുത്തിയതും. ഇന്നലെ രാവിലെ പൊലീസും ഡാന്സാഫ് സംഘവും സംയുക്തമായി നടത്തിയ പരിശോധനയിലാണ് ദീര്ഘദൂര സ്വകാര്യ ബസില് നിന്ന് എംഡിഎംഎയുമായി രണ്ട് യുവാക്കളെ പിടികൂടിയത്.
തെളിവെടുപ്പിന് ശേഷം പഴകുളം സ്വദേശി ഫൈസല് മുഹമ്മദിനെ (24) മാത്രമാണ് ആദ്യം അറസ്റ്റ് ചെയ്തത്. ബംഗളൂരുവില് നിന്ന് വന്ന സ്വകാര്യ ബസില് രാവിലെ പരിശോധന നടത്തിയപ്പോഴാണ് എംഡിഎംഎ കണ്ടെടുത്തത്.
