ന്യൂദല്ഹി: ദൽഹി സർക്കാരിന്റെ കീഴിലുള്ള ട്രീ അതോറിറ്റി അംഗങ്ങളുടെ പ്രവർത്തനത്തെക്കുറിച്ചും മരങ്ങൾ മുറിക്കുന്നതിനുള്ള നടപടിക്രമങ്ങളെക്കുറിച്ചും അറിയിക്കാൻ കോടതി സർക്കാരിന് നിർദേശം നൽകി. 1994ലെ ദൽഹി പ്രിസർവേഷൻ ഓഫ് ട്രീസ് ആക്ടിന്റെ പരിധിയിൽ വരുന്ന സ്ഥലങ്ങളിൽ മരങ്ങൾ മുറിക്കുന്നതിന് മുമ്പ് കോടതിയുടെ അനുമതി തേടണമെന്ന് ആവശ്യപ്പെട്ടുള്ള ഹർജി പരിഗണിക്കുമ്പോഴായിരുന്നു കോടതി നിര്ദേശം.
ജസ്റ്റിസുമാരായ അഭയ് എസ് ഓക്ക , അഗസ്റ്റിൻ ജോർജ് മസിഹ് എന്നിവരടങ്ങിയ ഡിവിഷൻ ബെഞ്ച് ട്രീ അതോറിറ്റി അംഗങ്ങളുടെ പ്രവർത്തനത്തെക്കുറിച്ചും മരങ്ങൾ മുറിക്കുന്നതിനുള്ള നടപടിക്രമങ്ങളെക്കുറിച്ചും അറിയിക്കാൻ നിർദ്ദേശിച്ചു.
ട്രീ അതോറിറ്റിയും അതിന്റെ ഓഫിസറും എന്ത് നടപടിക്രമമാണ് പിന്തുടരുന്നതെന്നും അതെങ്ങനെ പ്രവര്ത്തിക്കുന്നുവെന്നും അറിയിക്കുക, എന്നിട്ട് എന്താണ് ചെയ്യേണ്ടതെന്ന് ഞങ്ങള് നിര്ദേശിക്കും- ജസ്റ്റിസ് ഓക്ക പറഞ്ഞു.
കൂടുതല് വാദം കേള്ക്കുന്നതിലേക്കായി ഹര്ജി നവംബര് 22 ലേക്ക് മാറ്റി.
