കൊച്ചി: സബ് ജൂനിയര് ആണ്-പെണ് 600 മീറ്റര് മത്സരത്തില് ആലപ്പുഴ എഴുപുന്ന സെന്റ് റാഫേല്സ് എച്ച്എസ്എസിലെ കെ.യു. അര്ജുനും കോഴിക്കോട് കുളത്തുവയല് സെന്റ് ജോര്ജ് എച്ച്എസ്എസിലെ അല്ക്ക ഷിനോജും സ്വര്ണം നേടി.
ഒരു മിനിറ്റ് 31.42 സെക്കന്ഡില് ഫിനിഷ് ചെയ്താണ് അര്ജുന് പൊന്നണിഞ്ഞത്. മലപ്പുറം ആലത്തിയൂര് കെഎച്ച്എംഎച്ച്എസിലെ രാജന് ഒരു മിനിറ്റ് 32.10 സെക്കന്ഡില് വെള്ളിയും കോഴിക്കോട് പുല്ലൂരാംപാറ സെന്റ് ജോസഫ് എച്ച്എസിലെ എ. മുഹമ്മദ് ഒരു മിനിറ്റ് 32.45 സെക്കന്ഡില് വെങ്കലവും സ്വന്തമാക്കി.
പെണ്കുട്ടികളില് അല്ക്ക ഷിനോജ് ഒരു മിനിറ്റ് 42.19 സെക്കന്ഡില് ഓടിയെത്തിയാണ് സ്വര്ണം സ്വന്തമാക്കിയത്. പാലക്കാട് പറളി സ്കൂളിലെ സി.എസ്. ശ്രിയയ്ക്കാണ് വെള്ളി. സമയം: ഒരു മിനിറ്റ് 42.40 സെക്കന്ഡ്. പാലക്കാട് മുണ്ടൂര് എച്ച്എസിലെ കെ.ജെ. ആര്ഷ ഒരു മിനിറ്റ് 42.46 സെക്കന്ഡില് വെങ്കലവും സ്വന്തമാക്കി.
