കോഴിക്കോട് : കോഴിക്കോട് ബേപ്പൂരില് മത്സ്യബന്ധന ബോട്ടിന് തീപിടിച്ച് രണ്ടുപേര്ക്ക് പൊള്ളലേറ്റു. ലക്ഷദ്വീപ് സ്വദേശികളായ താജുല് അക്ബര്, റഫീഖ് എന്നിവര്ക്കാണ് പരിക്കേറ്റത്.
ഇന്നലെ രാത്രിയാണ് മത്സ്യബന്ധനത്തിന് പുറപ്പെടാനിരുന്ന ‘അഹല് ഫിഷറീസ്’ എന്ന ബോട്ടിന് തീപിടിച്ചത്. ബേപ്പൂര് ഹാര്ബറില് വച്ചായിരുന്നു സംഭവം.
എന്ജിനില് നിന്ന് തീപടരുകയായിരുന്നു. ദേഹമാസകലം പൊള്ളലേറ്റ താജുല് അക്ബറിനെയും റഫീഖിനെയും കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു.
