കോട്ടയം:യാക്കോബായ സഭാ അധ്യക്ഷന്‍ ബസേലിയോസ് തോമസ് പ്രഥമന്‍ കതോലിക്കാ ബാവയുടെ വിയോഗത്തിന്റെ പശ്ചാത്തലത്തില്‍ മണര്‍കാട് പള്ളി വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. മണര്‍കാട് പള്ളിയുടെ കീഴിലുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും നവംബര്‍ ഒന്ന് രണ്ട് തീയതികളില്‍ അവധിയായിരിക്കുമെന്ന് മണര്‍കാട് പള്ളി മാനേജിംഗ് കമ്മറ്റി അറിയിച്ചു.
ബസേലിയോസ് തോമസ് പ്രഥമന്‍ കതോലിക്കാ ബാവ വ്യാഴാഴ്ച വൈകിട്ട് 5.20 നാണ് അന്തരിച്ചത്. ആറ് മാസമായി വാര്‍ധക്യസഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു.
ശനിയാഴ്ച 3 മണിക്ക് ശേഷം 5 മണി വരെ കബറടക്ക ശുശ്രൂഷ നടക്കും. പുത്തന്‍കുരിശ് പള്ളിയില്‍ ബാവ നിര്‍ദേശിച്ചിടത്ത് സംസ്‌കാരം നടത്തും.
