തിരുവനന്തപുരം: വര്ക്കലയില് ഓടികൊണ്ടിരുന്ന ബസിന് തീ പിടിച്ചു. മൈതാനം ജംഗ്ഷനില് വച്ചാണ് സംഭവം. ആളപായമില്ല.
വര്ക്കല കല്ലമ്പലം ആറ്റിങ്ങല് റൂട്ടില് ഓടുന്ന പൊന്നൂസ് ബസിനാണ് തീപിടിച്ചത്.ഷോര്ട്ട് സര്ക്കൂട്ട് മൂലം ബസില് നിന്ന് പുക ഉയരുകയായിരുന്നു.
തീ കണ്ട ഉടനെ ബസ് നിര്ത്തി ഡ്രൈവറും കണ്ടക്ടറും ചേര്ന്ന് ഉടന് തന്നെ യാത്രക്കാരെയെല്ലാവരെയും പുറത്തിറക്കി. അപകടം നടക്കുമ്പോള് 20ല് ഏറെ യാത്രക്കാര് ബസിലുണ്ടായിരുന്നു.
ആറ്റിങ്ങലില് നിന്നും വര്ക്കല മൈതാനം ജംഗ്ഷനില് എത്തിയപ്പോഴാണ് ബസിന്റെ ബൊണറ്റില് നിന്നും പുക ഉയരുന്നത് ശ്രദ്ധയില്പ്പെട്ടത്.
