തിരുവനന്തപുരം: കേരള സര്ക്കാര് ഉന്നതവിദ്യാഭ്യാസ വകുപ്പ് സംസ്ഥാനത്തെ ഏഴ് സര്വകലാശാലകള്ക്ക് അനുവദിച്ച പ്രൊജക്ട് മോഡ് കോഴ്സുകളുടെ ഭാഗമായി കാലിക്കറ്റ് സര്വകലാശാലയില് പുതുതായി ആരംഭിച്ച ഡിപ്ലോമ ഇന് ഡിജിറ്റല് മീഡിയ പ്രൊഡക്ഷന് കോഴ്സില് ഒഴിവുള്ള സീറ്റുകളിലേക്ക് ഒക്ടോബര് 30 വരെ അപേക്ഷിക്കാം. നവമാധ്യമരംഗത്ത് വിപ്ലവകരമായ മാറ്റങ്ങള്ക്ക് വഴിതുറന്ന ഡിജിറ്റല് മീഡിയ കണ്ടന്റുകളുടെ നിര്മാണത്തില് സമഗ്ര പ്രായോഗിക പരിശീലനം നല്കുന്നതാണ് കോഴ്സ്. ഗ്രാഫിക് ഡിസൈന്, ആനിമേഷന്, ഓഡിയോ-വിഷ്യല് പ്രൊഡക്ഷന്, പോസ്റ്റ്പ്രൊഡക്ഷന് തുടങ്ങിയ മേഖലകളില് ഏറ്റവും പുതിയ സാങ്കേതിക സംവിധാനങ്ങളോടെയുള്ള പ്രായോഗിക പരിശീലനത്തിനൊപ്പം കാലിക്കറ്റ് സര്വകലാശാല എജ്യുക്കേഷണല് മള്ട്ടിമീഡിയ റിസര്ച്ച് സെന്ററില് ഇന്റേണ്ഷിപ്പും കോഴ്സിന്റെ ഭാഗമായി നല്കും.
അച്ചടി-ദൃശ്യ-ശ്രാവ്യ-നവമാധ്യമങ്ങളിലെ തൊഴിലവസരങ്ങള്ക്കൊപ്പം മാധ്യമമേഖലയിലെ മറ്റ് തൊഴില്രംഗങ്ങളിലേക്കും വിദ്യാര്ത്ഥികളെ സജജരാക്കുന്ന രീതിയില് ആവിഷ്ക്കരിച്ച ആറുമാസ ഡിപ്ലോമ കോഴ്സിന്റെ അടിസ്ഥാന യോഗ്യത ബിരുദമാണ്. www.admission.uoc.ac.in വെബ്സൈറ്റിലൂടെയാണ് അപേക്ഷ സമര്പ്പിക്കേണ്ടത്.
