ജയ്‌പൂര്‍(രാജസ്ഥാന്‍): ഗണേശോത്സവത്തിനും ദുര്ഗാപൂജയ്ക്കും പിന്നാലെ ശരത് പൂര്‍ണിമ ഉത്സവത്തിനുനേരെയും അക്രമം. ജയ്‌പൂര്‍ നിംബാര്‍ക് നഗറിലെ ശിവക്ഷേത്രത്തില്‍ പ്രസാദവിതരണം നടക്കുന്നതിനിടെയാണ് ഒരു സംഘം ആളുകള്‍ മാരകായുധങ്ങളുമായി അക്രമം നടത്തിയത്. എട്ട് പേര്‍ക്ക് പരിക്കേറ്റു. മൂന്ന് പേരുടെ നില ഗുരുതരമാണ്. സംഭവത്തില്‍ കര്‍ണി വിഹാര്‍ പോലീസ് കേസെടുത്തു. ഇവര്‍ സവായ് മാന്‍സിങ് ആശുപത്രിയില്‍ ചികിത്സയിലാണ്.
നസീബ് ചൗധരിയെന്ന ആളുടെ നേതൃത്വത്തിലാണ് അക്രമമുണ്ടായതെന്ന് ദൃക്‌സാക്ഷികള്‍ പറയുന്നു. വാളും കത്തിയും വടികളുമായാണ് അക്രമി സംഘം എത്തിയത്. അഡീഷണല്‍ പോലീസ് കമ്മീഷണര്‍ കുന്‍വര്‍ രാഷ്‌ട്രദീപും ഡിസിപി
അമിത് കുമാറും ഉള്‍പ്പെടെയുള്ള ഉന്നത പോലീസ് ഉദ്യോഗസ്ഥര്‍ സ്ഥലത്തെത്തി. നസീബ് ചൗധരിയെയും മകനെയും കസ്റ്റഡിയിലെടുത്തു. മറ്റ് അക്രമികള്‍ക്കായി തെരച്ചില്‍ തുടരുകയാണ്.
