കറാച്ചി: പാകിസ്ഥാനിലെ കറാച്ചിയില് ഈ വര്ഷം മാത്രം നൂറോളം കുട്ടികള് ഡിഫ്തീരിയ ബാധിച്ച് മരിച്ചതായി റിപ്പോര്ട്ട്. ഡിഫ്തീരിയയ്ക്കെതിരേ വാക്സിന് ലഭ്യമായിരുന്നെങ്കിലും ചികിത്സയില് നിര്ണായകമായ ഡിഫ്തീരിയ ആന്റി ടോക്സിന് അഥവാ ഡിഎറ്റി ലഭിക്കാത്തതിനെ തുടര്ന്നാണ് വ്യാപകമായ മരണം ഉണ്ടായതെന്നാണ് പാക് മാധ്യമമായ ജിയോ ന്യൂസ് റിപ്പോര്ട്ട് ചെയ്യുന്നത്.
2023ലും സമാനമായ രീതിയില് ഡിഫ്തീരിയ വ്യാപിച്ചിരുന്നു. 140 കേസുകള് റിപ്പോര്ട്ട് ചെയ്യുകയും 52 മരണം സ്ഥിരീകരിക്കുകയും ചെയ്തിരുന്നു. സിന്ധ്, കറാച്ചി തുടങ്ങിയ മേഖലകളില് ഡിഎറ്റി ലഭ്യമല്ല. ഒപ്പം പാക് കറന്സി രണ്ടരലക്ഷം വരെയുള്ള ചികിത്സാത്തുകയും പ്രതിസന്ധി ഗുരുതരമാക്കി.
വാക്സിന് സ്വീകരിച്ചാല് രോഗത്തെ പ്രതിരോധിക്കാനാവുമെന്നാണ് ലോകാരോഗ്യസംഘടന പറയുന്നത്. പാകിസ്ഥാനില് വാക്സിന്റെ ലഭ്യത കുറഞ്ഞതില് ആരോഗ്യവിദഗ്ധര് ആശങ്ക പ്രകടിപ്പിച്ചിട്ടുണ്ട്.
