കൊല്ലം: കേന്ദ്ര പദ്ധതികള് എണ്ണി പറഞ്ഞും സാധരണക്കാരുടെ സ്നേഹവായ്പുകളേറ്റുവാങ്ങിയും കേന്ദ്രമന്ത്രി ജോര്ജ് കുര്യന്റെ കോളനി സന്ദര്ശവും ഭവന സന്ദര്ശനവും കുടുംബയോഗങ്ങളും. ബിജെപി ദേശീയാടിസ്ഥാനത്തില് തുടരുന്ന അംഗത്വ പ്രചരണത്തിന്റെ ഭാഗമായി അദ്ദേഹം ഇന്നലെ കൊല്ലം ജില്ലയിലെ വിവിധ പരിപാടികളില് പങ്കെടുത്തു.
കേരളത്തില് വിവിധ രാഷ്ട്രീയ പാര്ട്ടികളില് നിന്നും ആയിരക്കണക്കിനാളുകളാണ് ഓരോ ദിവസവും ബിജെപി അംഗത്വം സ്വീകരിക്കുന്നത്. ഇത് സൂചിപ്പിക്കുന്നത് കേരളത്തിന്റെ ഭരണം ബിജെപിയുടെ കൈകളിലേക്ക് ഏല്പ്പിക്കുവാന് ജനങ്ങള് തയാറെടുത്തുകഴിഞ്ഞു എന്നാണ്, ജോര്ജ് കുര്യന് പറഞ്ഞു.
കൊല്ലം മണ്ഡലത്തിലെ ഉളിയക്കോവില് ഡിവിഷന്, കുറുവേലില് കോളനി, കിഴക്കേകല്ലട മുട്ടം വാര്ഡില് സജികുമാറിന്റെ വസതി, മണ്ട്രോത്തുരുത്ത് പഞ്ചായത്ത്, ചിതറ, മാടന്കാവ്, തുടയന്നൂര്, വയല, ഏരൂര് വിളക്കുപാറ ആര്പിഎല് മേഖല എന്നിവിടങ്ങളിലെ അംഗത്വ ക്യാമ്പയിനുകളില് അദ്ദേഹം പങ്കെടുത്തു. വിവിധ രാഷ്ട്രീയ പാര്ട്ടികളില് നിന്നുള്പ്പെടെ നിരവധിപേരാണ് ബിജെപിയിലേക്ക് അംഗത്വം സ്വീകരിച്ച് എത്തിയത്.
