പത്തനംതിട്ട: ശബരിമല, മാളികപ്പുറം മേല്ശാന്തിമാരെ ഇക്കുറി തിരഞ്ഞെടുക്കുന്നതിനുള്ള ഭാഗ്യം ഋഷികേശ് വര്മയ്ക്കും എം. വൈഷ്ണവിക്കും. തുലാം ഒന്നായ 17നാണ് നറുക്കെടുപ്പ്. ഋഷികേശ് വര്മ ശബരിമല മേല്ശാന്തിയെയും വൈഷ്ണവി മാളികപ്പുറം മേല്ശാന്തിയെയും നറുക്കെടുക്കും.
16ന് ഉച്ചയ്ക്ക് ശേഷം തിരുവാഭരണ മാളികയ്ക്ക് മുമ്പില് കെട്ട് നിറച്ച് വലിയകോയിക്കല് ക്ഷേത്രത്തില് ദര്ശനം നടത്തിയ ശേഷമാണ് ശബരിമലയ്ക്ക് യാത്രതിരിക്കുക. കുട്ടികളുടെ രക്ഷിതാക്കള്ക്കൊപ്പം പന്തളം കൊട്ടാരം നിര്വാഹക സംഘം പ്രതിനിധികളും അനുഗമിക്കും.
പന്തളം നടുവിലേമുറി കൊട്ടാരത്തില് മുന് രാജ പ്രതിനിധി പ്രദീപ്കുമാര് വര്മയുടെ മകള് പൂര്ണ വര്മ-ഗിരീഷ് വിക്രം ദമ്പതികളുടെ മകനാണ് ഋഷികേശ് വര്മ. പന്തളം വടക്കേടത്തു കൊട്ടാരത്തില് കൈരളി തമ്പുരാട്ടിയുടെ മകന് മിഥുന്-പ്രീജ ദമ്പതികളുടെ മകളാണ് വൈഷ്ണവി.
