ഭോപ്പാൽ : ഹിജാബ് ധരിച്ച് , ഇസ്ലാമിക സാഹിത്യങ്ങളും ഉജ്ജയിനി മഹാകാലേശ്വർ ക്ഷേത്രത്തിലെത്തിയ സ്ത്രീ പിടിയിൽ . മഹാകാലേശ്വർ ക്ഷേത്രത്തിൽ സ്ഫോടനം നടത്തുമെന്ന് ഭീഷണിപ്പെടുത്തിയ കത്ത് കണ്ടെത്തിയതിനെത്തുടർന്ന് ഇവിടെ സുരക്ഷാ ക്രമീകരണങ്ങൾ കർശനമാക്കിയിരുന്നു . ക്ഷേത്രത്തിലേക്ക് വരുന്ന എല്ലാവരെയും കൃത്യമായി പരിശോധിക്കുന്നുണ്ട്. ബുധനാഴ്ച ഉച്ചയോടെയാണ് ഹിജാബ് ധരിച്ച് ദുരൂഹസാഹചര്യത്തിൽ സ്ത്രീ ക്ഷേത്രത്തിൽ എത്തിയത്.
സുരക്ഷാ ഉദ്യോഗസ്ഥർ യുവതിയെ തടഞ്ഞുനിർത്തി ചോദ്യം ചെയ്തു. ചോദ്യം ചെയ്യലിൽ മഞ്ജു പാർമർ എന്നാണ് യുവതി ഹിന്ദു പേര് വെളിപ്പെടുത്തിയത്. സംശയം തോന്നിയ പോലീസുകാർ തിരച്ചിൽ നടത്തിയപ്പോൾ ബാഗിൽ നിന്ന് അഞ്ച് വ്യത്യസ്ത സ്ത്രീകളുടെ ആധാർ കാർഡുകൾ കണ്ടെത്തി.
അതുപോലെ, ചില ഇസ്ലാമിക സാഹിത്യങ്ങളും മറ്റ് രേഖകളും, ബാഗിൽ നിന്ന് ഒരു ഹിജാബും കണ്ടെത്തി. തുടർന്ന് ഇവർ ഓടിരക്ഷപ്പെടാൻ ശ്രമിച്ചെങ്കിലും പോലീസ് പിടികൂടി മഹാകാൽ പോലീസ് സ്റ്റേഷനിൽ എത്തിച്ചു.യുവതി ഒറ്റയ്ക്കാണോ എത്തിയതെന്നും അതോ കൂടെ മറ്റാരെങ്കിലും ഉണ്ടായിരുന്നോയെന്നും പരിശോധിക്കുന്നുണ്ട്. ഇതിനായി നൂറിലധികം സിസിടിവി ക്യാമറകളുടെ ദൃശ്യങ്ങൾ പരിശോധിച്ചുവരികയാണ്.
