തിരുവനന്തപുരം: ലൈംഗിക അതിക്രമം നടത്തിയെന്ന പരാതിയില് നടന് ജയസൂര്യയെ ഈ മാസം 15ന് ചോദ്യം ചെയ്യും. തിരുവനന്തപുരം കന്റോണ്മെന്റ് സ്റ്റേഷനില് ഹാജരാകാന് അന്വേഷണസംഘം നടന് നോട്ടീസ് നല്കി.
സെക്രട്ടേറിയറ്റില് നടന്ന ചിത്രീകരണത്തിനിടെ നടന് അതിക്രമം നടത്തിയെന്ന നടിയുടെ പരാതിയിലാണ് കേസെടുത്തത്. രണ്ട് നടികളാണ് ജയസൂര്യയ്ക്കെതിരെ പരാതി നല്കിയത്.
സ്ത്രീത്വത്തെ അപമാനിച്ചു, സ്ത്രീകളെ ബലപ്രയോഗത്തിലൂടെ കീഴ്പ്പെടുത്താന് ശ്രമിച്ചു എന്നീ വകുപ്പുകളിലാണ് ജയസൂര്യക്കെതിരെ രണ്ട് കേസുകളുളളത്. അതിനിടെ ബലാത്സംഗം ചെയ്തെന്ന നടിയുടെ പരാതിയില് നടന് സിദ്ദിഖ് തിങ്കളാഴ്ച തിരുവനന്തപുത്ത് അന്വേഷണ സംഘത്തിന് മുന്നില് ഹാജരായി. വിവരശേഖരണത്തിന് ശേഷം നടന് മടങ്ങി. ഇനിയും ചോദ്യം ചെയ്യും.
