കോഴിക്കോട്: സാഹിത്യകാരന്‍ എംടി വാസുദേവന്‍ നായരുടെ വീട്ടിലെ മോഷണക്കേസില്‍ പ്രതികള്‍ കുറ്റം സമ്മതിച്ചെന്ന് പൊലീസ്. രാവിലെ പ്രതികളെ വീട്ടില്‍ എത്തിച്ചു തെളിവെടുപ്പ് നടത്തി. മോഷ്ടിച്ച സ്വര്‍ണം കോഴിക്കോട്ടെ വിവിധ കടകളില്‍ വില്പന നടത്തിയെന്നാണ് പ്രതികള്‍ മൊഴി നല്‍കിയത്്.
വീട്ടു ജോലിക്കാരി കരുവിശേരി സ്വദേശി ശാന്ത, ബന്ധു പ്രകാശന്‍ എന്നിവരാണ് പ്രതികള്‍. 26 പവന്റെ സ്വര്‍ണഭരണങ്ങളാണ് എംടിയുടെ വീട്ടില്‍ നിന്നും കഴിഞ്ഞ ആഴ്ച മോഷണം പോയത്.
കൊട്ടാരം റോഡിലുള്ള വീട്ടില്‍ നിന്നാണ് സ്വര്‍ണമുള്‍പ്പെടെ മോഷണം പോയത്. എംടിയുടെ ഭാര്യ സരസ്വതിയുടെ പരാതിയില്‍ നടക്കാവ് പൊലീസ് കേസ് എടുത്ത് അന്വേഷണം നടത്തി വരികയാണ്.
സെപതംബര്‍ 22നും 30നും ഇടയില്‍ മോഷണം നടന്നുവെന്നാണ് കരുതുന്നത്. മൂന്ന് മാല, വള, കമ്മല്‍, വജ്ര കമ്മലും ലോക്കറ്റും മരതകം പതിച്ച ലോക്കറ്റുമാണ് മോഷണം പോയവയിലുള്ളത്.
