ന്യൂദല്ഹി: എംപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷന് പിന്വലിക്കല് നിയമങ്ങളില് ഇളവുകള് പ്രഖ്യാപിച്ചു. ഇപിഎഫ്ഒ സെന്ട്രല് ബോര്ഡ് ഓഫ് ട്രസ്റ്റീസ് യോഗത്തിലാണ് വരിക്കാര്ക്ക് ആശ്വാസമാകുന്ന സുപ്രധാന തീരുമാനങ്ങള്്.
90% തുക പിന്വലിക്കാമെന്നതാണ് പ്രധാന മാറ്റം. 55 വയസ്സിന് താഴെയുള്ള വരിക്കാര്ക്ക് ഇനി മുതല് തങ്ങളുടെ പിഎഫ് നിക്ഷേപത്തിന്റെ 90% വരെ ഭാഗികമായി പിന്വലിക്കാം. നേരത്തെ ഇത് 75% ആയിരുന്നു. അക്കൗണ്ടില് നിലനിര്ത്തേണ്ട മിനിമം ബാലന്സ് പരിധി 25 ശതമാനത്തില് നിന്ന് 10 ശതമാനമായി കുറച്ചതോടെയാണിത്. ചികിത്സ, വിദ്യാഭ്യാസം, വിവാഹം, വീട് നിര്മ്മാണം, ഭവനവായ്പ തിരിച്ചടവ് തുടങ്ങിയ ആവശ്യങ്ങള്ക്ക് ഈ തുക ഉപയോഗിക്കാം.
ജോലി നഷ്ടപ്പെട്ട് തൊഴില്രഹിതരായി തുടരുന്നവര്ക്ക് മുഴുവന് പിഎഫ് തുകയും പിന്വലിക്കാനുള്ള കാത്തിരിപ്പ് കാലയളവ് 12 മാസത്തില് നിന്ന് 2 മാസമായി കുറച്ചു. എന്നാല് പെന്ഷന് തുക പിന്വലിക്കുന്നതിനുള്ള 36 മാസത്തെ കാത്തിരിപ്പ് കാലയളവില് മാറ്റമില്ല.
വിരമിക്കുന്ന അംഗങ്ങള്ക്ക് തങ്ങളുടെ പിഎഫ് തുക ഒന്നിച്ച് പിന്വലിക്കുന്നതിന് പകരം സിസ്റ്റമാറ്റിക് വിത്ത്ഡ്രോവല് പ്ലാന് വഴി തവണകളായി പിന്വലിക്കാം. അംഗങ്ങളുടെ താല്പര്യമനുസരിച്ച് പ്രതിമാസമോ, ത്രൈമാസത്തിലോ, അര്ദ്ധവാര്ഷികമായോ തുക കൈപ്പറ്റാന് ഇതിലൂടെ സാധിക്കും. അക്കൗണ്ടില് ബാക്കിയുള്ള തുകയ്ക്ക് പലിശ തുടര്ന്നുംലഭിക്കും.


















