പൂനെ : സ്കൂൾ വിദ്യാർത്ഥികളെ ബലാത്സംഗം ചെയ്ത കേസിലെ പ്രതി പോലീസ് ഏറ്റുമുട്ടലിൽ കൊല്ലപ്പെട്ടു. മഹാരാഷ്ട്രയിലെ ബദ്ലാപൂരിലാണ് സംഭവം . അക്ഷയ് ഷിൻഡെ, എന്ന യുവാവാണ് കൊല്ലപ്പെട്ടത് . പോലീസ് ഉദ്യോസ്ഥന്റെ തോക്ക് തട്ടിയെടുത്ത് പോലീസുകാരെ കൊലപ്പെടുത്താൻ ശ്രമിക്കുന്നതിനിടെയാണ് അക്ഷയ് ഷിൻഡെയ്ക്ക് വെടിയേറ്റത് .
അന്വേഷണത്തിനായി തലോജ ജയിലിൽ നിന്ന് ബദ്ലാപൂരിലേക്ക് കൊണ്ടുപോകുകയായിരുന്ന അക്ഷയ് ഷിൻഡെ, പോലീസ് വാഹനത്തിൽ ഉണ്ടായിരുന്ന ഉദ്യോഗസ്ഥനിൽ നിന്ന് തോക്ക് തട്ടിയെടുക്കുകയായിരുന്നു . പോലീസുകാരെ വെടിവച്ച് വീഴ്ത്തി രക്ഷപെടാനായിരുന്നു ശ്രമം . എന്നാൽ ഇതിനിടെ പോലീസ് പ്രത്യാക്രമണം നടത്തിയതോടെയാണ് ഷിൻഡെയ്ക്ക് വെടിയേറ്റത് .
സംഭവത്തിൽ പരിക്കേറ്റ അസിസ്റ്റൻ്റ് പോലീസ് ഇൻസ്പെക്ടർ നിലേഷ് മോറും, ഇൻസ്പെക്ടർ സഞ്ജയും ചികിത്സയിലാണ് . നിലവിൽ ബദ്ലാപൂർ കേസ് അന്വേഷിക്കുന്ന പ്രത്യേക അന്വേഷണ സംഘത്തിന്റെ (എസ്ഐടി) ഭാഗമാണ് സഞ്ജയ് ഷിൻഡെ.
