കൊച്ചി: കേരള ബ്ലാസ്റ്റേഴ്‌സ് എഫ്‌സി ഇന്ന് ഐഎസ്എല്‍ 11-ാം സീസണിലെ രണ്ടാം അങ്കത്തന്. രാത്രി ഏഴരയ്ക്ക് കലൂര്‍ സ്റ്റേഡിയത്തില്‍ നടക്കുന്ന കളിയില്‍ ഈസ്റ്റ് ബംഗാള്‍ ആണ് എതിരാളികള്‍. സീസണില്‍ ആദ്യ മത്സരത്തിനിറങ്ങിയ ബ്ലാസ്റ്റേഴ്‌സ് പഞ്ചാബ് എഫ്‌സിയോട് ഞെട്ടിക്കുന്ന തോല്‍വി ഏറ്റുവാങ്ങിയിരുന്നു. തിരുവോണ ദിനത്തില്‍ നടന്ന മത്സരത്തില്‍ ഒന്നിനെതിരെ രണ്ട് ഗോളുകള്‍ക്കായിരുന്നു ബ്ലാസ്‌റ്റേഴ്‌സിന്റെ തോല്‍വി.
പുതിയ മാനേജര്‍ മക്കായേല്‍ സ്റ്റാറേയ്‌ക്ക് കീഴില്‍ ഡ്യൂറന്റ് കപ്പ് ക്വാര്‍ട്ടറില്‍ തുടങ്ങിയ പരാജയമാണ് ബ്ലാസ്റ്റേഴ്‌സിന്റെത്. ടൂര്‍ണമെന്റിലെ ലീഗ് മത്സരങ്ങളില്‍ തകര്‍പ്പന്‍ പ്രകടനം നടത്തിവന്ന ടീം നോക്കൗട്ടില്‍ തോറ്റു പുറത്തായി. പിന്നീട് ബ്ലാസ്റ്റേഴ്‌സ് ഇറങ്ങിയത് പഞ്ചാബിനെതിരെയായിരുന്നു.
ഇന്നത്തെ മത്സരം ജയിച്ച് ആദ്യ മത്സരത്തിലേറ്റ പരാജയത്തിന് പരിഹാരം കാണാനായിരിക്കും അഡ്രിയാന്‍ ലൂണയും സംഘവും ഇന്ന് കളത്തിലിറങ്ങുക. ബ്ലാസ്റ്റേഴ്സിന് ഇത് രണ്ടാം മത്സരമാണെങ്കിലും ഒഡീഷയുടെ ഇത്തവണത്തെ മൂന്നാം ഐഎസ്എല്‍ പോരാട്ടമാണിത്. രണ്ട് കളികളിലും പരാജയപ്പെട്ട് നില്‍ക്കുകയാണ് ടീം. രണ്ടാം മത്സരത്തില്‍ കഴിഞ്ഞ ദിവസം ബ്ലാസ്റ്റേഴ്‌സിനെ തോല്‍പ്പിച്ച പഞ്ചാബുമായിട്ടായിരുന്നു. ദല്‍ഹിയില്‍ നടന്ന കളിയില്‍ 2-1നായിരുന്നു ഒഡീഷയുടെ തോല്‍വി. അതിന് മുമ്പ് സീസണിലെ തങ്ങളുടെ ആദ്യ പോരാട്ടത്തില്‍ സ്വന്തം തട്ടകത്തില്‍ ചെന്നൈയിന്‍ എഫ്‌സിയോടും ടീം പരാജയപ്പെട്ടിരുന്നു.
പ്രതികരിക്കാൻ ഇവിടെ എഴുതുക: