തിരുവനന്തപുരം: എഡിജിപി എം.ആർ അജിത്ത് കുമാറിനെ മാറ്റണമെന്ന നിലപാടിൽ മാറ്റമില്ലെന്ന് ബിനോയ് വിശ്വം. ക്രമസമാധാന ചുമതലയുള്ള എഡിജിപി ആർഎസ്എസ് നേതാക്കളെ ഊഴമിട്ട് കൂടിക്കാഴ്ച നടത്തിയതിന്റെ അടിസ്ഥാനമെന്താണ്. എഡിജിപിക്കെതിരായ അന്വേഷണത്തിന് സമയം വേണമെന്ന് മുഖ്യമന്ത്രി ആവശ്യപ്പെട്ടാൽ അത് മനസിലാക്കാം. അതിനർത്ഥം അന്വേഷണം അനന്തമായി നീണ്ടുപോകാമെന്നല്ലെന്നും ബിനോയ് വിശ്വം കൂട്ടിച്ചേർത്തു.
എഡിജിപി-ആർഎസ്എസ് കൂടിക്കാഴ്ച വിവാദത്തിൽ സിപിഐ നിലപാട് എപ്പോഴും ചോദിക്കേണ്ട കാര്യമില്ലെന്ന് ബിനോയ് വിശ്വം പറഞ്ഞു. ആർഎസ്എസിനെ എതിർക്കുന്ന രാഷ്‌ട്രീയ ചേരിയാണ് എൽഡിഎഫ്. അങ്ങനെയിരിക്കെ കേരളത്തിന്റെ ക്രമസമാധാന ചുമതലയുള്ള എഡിജിപി രണ്ടുവട്ടം ആർഎസ്എസ് നേതാക്കളെ കണ്ടത് എന്തിനെന്ന് അദ്ദേഹം ചോദിച്ചു.
സിപിഐ നിലപാടില്‍ മാറ്റമില്ല മുന്നോട്ട് തന്നെയാണെന്ന് ബിനോയ് വിശ്വം വ്യക്തമാക്കി.
