ലക്നൗ : മദ്രസയ്ക്കുള്ളിൽ വച്ച് പ്രായപൂർത്തിയാകാത്ത പെൺകുട്ടിയെ പീഡിപ്പിച്ച മൗലവിയെ തല്ലിച്ചതച്ച് നാട്ടുകാർ . ഉത്തർപ്രദേശിലെ ഗോരഖ്പൂർ ജില്ലയിലാണ് സംഭവം. മൗലവി റഹ്മത്ത് അലിയെയാണ് നാട്ടുകാർ മർദ്ദിച്ചത്. 12 കാരിയായ പെൺകുട്ടിയുടെ പഠനം മെച്ചപ്പെടുത്താൻ പ്രാർത്ഥന പഠിപ്പിച്ച് നൽകാമെന്ന് പറഞ്ഞാണ് മൗലവി പെൺകുട്ടിയെ വിളിച്ചു വരുത്തിയത് .
ഏറെ നേരം കഴിഞ്ഞിട്ടും പെൺകുട്ടി വീട്ടിൽ തിരിച്ചെത്താത്തതിനെ തുടർന്ന് മകളെ അന്വേഷിച്ച് അമ്മ മദ്രസയിലെത്തി. അവിടെ വെച്ച് മൗലവി പെൺകുട്ടിയെ പീഡിപ്പിക്കുന്നത് കണ്ട അമ്മയുടെ നിലവിളി കേട്ടാണ് നാട്ടുകാർ ഓടിയെത്തിയത്. തുടർന്ന് മൗലവിയെ നാട്ടുകാർ പിടികൂടി മർദ്ദിച്ചു പോലീസിന് കൈമാറി.
