ഇന്ത്യയിലെ ഏറ്റവും കൂടുതല് നികുതി അടയ്ക്കുന്ന താരങ്ങളുടെ പട്ടിക പുറത്തുവിട്ടിരുന്നു. ഷാരൂഖ് ഖാനാണ് പട്ടികയില് ഒന്നാമതുള്ളത്. പ്രതിഫലത്തിന്റെ കാര്യത്തില് ഒന്നാമതുള്ള നടിയല്ല രാജ്യത്ത് ഏറ്റവും കൂടുതല് നികുതി അടയ്ക്കുന്നത്.
നടി ആരെന്ന് അറിയേണ്ടേ.. കരീന കപൂറാണ് ഇന്ത്യയില് ഏറ്റവും കൂടുതല് നികുതി നല്കുന്ന നായിക താരം. നിലവില് ഇരുപത് വര്ഷമായി ഹിന്ദി സിനിമയിലെ മുന്നിര താരമാണ് കരീന കപൂര്.
കരീന കപൂര് 2024ല് നികുതിയായി അടച്ചത് 20 കോടി രൂപയാണ്. മറ്റൊരു താരവും ഇതിന് അടുത്തെത്തിയിട്ടില്ല. രണ്ടാം സ്ഥാനത്തുള്ളതും ദീപികയോ കത്രീനയോ പോലുള്ള വമ്പന് നായികമാരല്ല. കിയാര അദ്വാനിയാണ് പ്രതിഫലത്തില് രണ്ടാം സ്ഥാനത്തുള്ള നടി. പന്ത്രണ്ട് കോടിയാണ് കിയാര അടച്ച നികുതി.
എന്നാല് പ്രതിഫലത്തിന്റെ കാര്യത്തില് കരീനയല്ല മുന്നില് നില്ക്കുന്നത്. ദീപിക പദുക്കോണ്, ആലിയ ഭട്ട്, അനുഷ്ക ശര്മ എന്നിവരെയെല്ലാം മറികടന്നാണ് കരീനയും കിയാര അദ്വാനിയും ഈ നേട്ടം കൈവരിച്ചിരിക്കുന്നത്.
മൂന്നാം സ്ഥാനത്തുള്ളത് കത്രീന കൈഫാണ്. പതിനൊന്ന് കോടിയാണ് കത്രീന നികുതിയായി അടച്ചിരിക്കുന്നതെന്ന് ഫോര്ച്യൂണ് ഇന്ത്യ റിപ്പോര്ട്ട് ചെയ്യുന്നു.
കരീനയ്ക്ക് 485 കോടി രൂപയുടെ ആസ്തിയാണ് ഉള്ളത്. പന്ത്രണ്ട് കോടിയാണ് ഒരു ചിത്രത്തിന് പ്രതിഫലമായി നടി വാങ്ങുന്നത്. ഇരുപത് കോടി വാര്ഷിക പ്രതിഫലമായി നടിക്ക് ലഭിക്കുന്നുണ്ട്. ബാന്ദ്രയില് നടിക്ക് അപ്പാര്ട്മെന്റുമുണ്ട്.
