അനന്തപുര്‍: ദുലീപ് ട്രോഫി ക്രിക്കറ്റില്‍ ഇന്ത്യ സി നാല് വിക്കറ്റിന് ജയിച്ചു. ഇന്നലെ അവസാനിച്ച മത്സരത്തില്‍ ഇന്ത്യ ഡിയെ ആണ് തോല്‍പ്പിച്ചത്.
മത്സരത്തില്‍ ആദ്യം ബാറ്റ് ചെയ്ത ഇന്ത്യ ഡി 164 റണ്‍സെടുത്തിരുന്നു. ഇതിനെതിരെ ആദ്യ ഇന്നിങ്‌സില്‍ ഇന്ത്യ സി 168 റണ്‍സാണെടുത്തത്. രണ്ടാം ഇന്നിങ്‌സില്‍ 236 റണ്‍സിന് പുറത്തായ ഇന്ത്യ ഡിയുടെ വെല്ലുവിളിയെ ആറ് വിക്കറ്റ് നഷ്ടത്തില്‍ 233 റണ്‍സെടുത്ത് ഇന്ത്യ സി മറികടന്നു. രണ്ടാം ഇന്നിങ്‌സില്‍ ഇന്ത്യ ഡിയുടെ ഏഴ് വിക്കറ്റുകള്‍ വീഴ്‌ത്തിയ സ്പിന്നര്‍ മാനവ് സുതര്‍ ആണ് കളിയിലെ താരം.
ദുലീപ് ട്രോഫിയിലെ മറ്റൊരു മത്സരം മൂന്നാം ദിവസവും പുരോഗമിക്കുകയാണ്. മത്സരം ഇന്നേക്ക് പിരിയുമ്പോള്‍ ഇന്ത്യ ബി രണ്ടാം ഇന്നിങ്‌സില്‍ ആറ് വിക്കറ്റ് നഷ്ടത്തില്‍ 150 റണ്‍സെടുത്തു. ഇതോടെ ഇന്ത്യ ബിയ്‌ക്ക് 240 റണ്‍സിന്റെ ലീഡ് ആയി. ഇന്ത്യ ബി ആദ്യ ഇന്നിങ്‌സില്‍ നേടിയ 321 റണ്‍സിനെതിരെ ഇന്ത്യ എ 231 റണ്‍സെടുത്ത് പുറത്തായിരുന്നു.
