കൊല്‍ക്കത്ത: ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തില്‍, ആര്‍ജി കാര്‍ മെഡിക്കല്‍ കോളജ് ആശുപത്രിയിലെ സാമ്പത്തിക ക്രമക്കേടുകള്‍ സംബന്ധിച്ച് അന്വേഷണം നടത്തുന്ന എന്ഫോഴ്സ്മെന്റ് ഡയറക്ടറേറ്റ് മുന്‍ പ്രിന്‍സിപ്പല്‍ ഡോ. സന്ദീപ് ഘോഷിന്റെയും ഭാര്യ സംഗീത ഘോഷിന്റെയും ഉടമസ്ഥതയിലുള്ള പര്‍ഗാനാസ് ജില്ലയിലെ ബംഗ്ലാവില്‍ പരിശോധന നടത്തി.
‘സംഗീതസന്ദീപ് വില്ല’ എന്ന പേരിലുള്ള ആഡംബര ബംഗ്ലാവിനോടു ചേര്‍ന്ന് നൂറുകണക്കിന് ഏക്കര്‍ ഭൂമിയുണ്ട്.
ഘോഷ് പ്രിന്‍സിപ്പലായിരിക്കെ ആര്‍.ജി.കാറില്‍ നടന്ന സാമ്പത്തിക ക്രമക്കേടുകളെക്കുറിച്ചുള്ള വിപുലമായ അന്വേഷണത്തിന്റെ ഭാഗമായാണ് പരിശോധന. ഘോഷിന്റെതിനു പുറമെ ബന്ധുക്കളുടെ വസതികള്‍ ഉള്‍പ്പെടെള്ള സ്ഥലങ്ങളിലും റെയ്ഡ് നടത്തി.
ക്രിമിനല്‍ കേസുകളിലെ എഫ്‌ഐആറിന് സമാനമായ എന്ഫോഴ്സ്മെന്റ് കേസ് ഇന്‍ഫര്‍മേഷന്‍ റിപ്പോര്‍ട്ട് (ഇസിഐആര്‍) ഘോഷിനെതിരെ ഇഡി ഫയല്‍ ചെയ്തിരുന്നു. അഴിമതിക്കേസുമായി ബന്ധപ്പെട്ട് ഈ മാസം ആദ്യം അറസ്റ്റിലായ ഡോക്ടര്‍ നിലവില്‍ സിബിഐ കസ്റ്റഡിയിലാണ് .
