ചെന്നൈ: ചെന്നൈയിലെ ഓഫീസേഴ്സ് ട്രെയിനിംഗ് അക്കാദമിയിൽ ശനിയാഴ്ച നടന്ന ചടങ്ങിൽ 258 ഓഫീസർ കേഡറ്റുകളും 39 വനിതാ ഓഫീസർ കേഡറ്റുകളും ഇന്ത്യൻ കരസേനയുടെ വിവിധ വിഭാഗങ്ങളിലേക്ക് കമ്മീഷൻ ചെയ്തു. ഇൻസ്റ്റിറ്റ്യൂട്ടിലെ പരമേശ്വരൻ ഡ്രിൽ സ്ക്വയറിൽ നടന്ന പാസിങ് ഔട്ട് പരേഡ് വൈസ് ചീഫ് ഓഫ് ആർമി സ്റ്റാഫ് ലെഫ്റ്റനൻ്റ് ജനറൽ എൻ.എസ്. രാജ സുബ്രഹ്മണി ഉദ്ഘാടനം ചെയ്തു.
സൗഹൃദ വിദേശ രാജ്യങ്ങളിൽ നിന്നുള്ള പത്ത് ഓഫീസർ കേഡറ്റുകളും അഞ്ച് വനിതാ ഓഫീസർ കേഡറ്റുകളും അവരുടെ പരിശീലനം വിജയകരമായി പൂർത്തിയാക്കി. ഇൻസ്റ്റിറ്റ്യൂട്ടിൽ ഒരു വർഷം നീണ്ട കഠിന പരിശീലനത്തിന്റെ പരിസമാപ്തിയായാണ് പരേഡ് അടയാളപ്പെടുത്തിയത്.
ഓഫീസർ കേഡറ്റുകൾ ഷോർട്ട് സർവീസ് കമ്മീഷൻ കോഴ്‌സിന്റെ 118-ാം ബാച്ചിലും സ്ത്രീകൾ 32-ാം ബാച്ചിലും ഉൾപ്പെടെ ഇവർ ഇൻസ്റ്റിറ്റ്യൂട്ടിലെ മറ്റ് തത്തുല്യ കോഴ്‌സുകളും പൂർത്തിയാക്കി. ബറ്റാലിയൻ അണ്ടർ ഓഫീസർ ഇതിനു പുറമെ സാമ്രാത് സിങ്ങിന് സോർഡ് ഓഫ് ഓണറും, ഒടിഎ സ്വർണ്ണ മെഡൽ സിമ്രാൻ സിംഗ് രതിക്കും, വെള്ളി മെഡൽ അക്കാദമി അണ്ടർ ഓഫീസർ തനിഷ്‌ക ദാമോദ്രനും, വെങ്കല മെഡൽ അക്കാദമി കേഡറ്റ് അഡ്‌ജറ്റൻ്റ് ദേവേഷ് ചന്ദ്ര ജോഷിക്കും ലെഫ്റ്റനൻ്റ് ജനറൽ എൻ.എസ്. രാജ സുബ്രഹ്മണി സമ്മാനിച്ചു.
മാതൃകാപരമായ നേട്ടങ്ങൾക്കായി ഓഫീസർ കേഡറ്റുകളേയും ഒടിഎ സ്റ്റാഫുകളേയും വൈസ് ചീഫ് ഓഫ് ആർമി സ്റ്റാഫ് തന്റെ പ്രസംഗത്തിൽ, അഭിനന്ദിച്ചു. രാജ്യത്തിനുള്ള നിസ്വാർത്ഥ സേവനത്തിന്റെ സൈനിക മൂല്യങ്ങൾ ഉയർത്തിപ്പിടിക്കാനും എല്ലാവരിലും മികവ് പുലർത്താനും പുതുതായി ചുമതലയേറ്റ ഉദ്യോഗസ്ഥരെ ഉദ്ബോധിപ്പിച്ചു.
