ബംഗി (മലേഷ്യ): അന്താരാഷ്ട്ര ടി20യില് വീണ്ടും 10റണ്സിന് ഓള്ഔട്ട്. ഐസിസി ടി20 ലോകകപ്പ് ഏഷ്യന് യോഗ്യതാ മത്സരത്തിലാണ് മംഗോളിയ വെറും 10 റണ്സിന് ഓള്ഔട്ടായത്.
സ്പെയിനിനെതിരേ 10 റണ്സിന് ഓള്ഔട്ടായ ഐല് ഓഫ് മെന് ടീമിന്റെ പേരിലായിരുന്ന അന്താരാഷ്ട്ര ടി20യിലെ ഏറ്റവും ചെറിയ സ്കോറെന്ന നാണക്കേട് മംഗോളിയയും പങ്കിടും. നാല് ഓവറില് വെറും മൂന്ന് റണ്സ് മാത്രം വഴങ്ങി ആറു വിക്കറ്റ് വീഴ്ത്തിയ ഹര്ഷ ഭരദ്വാജാണ് മംഗോളിയ ടീമിനെ നാണക്കേടിലേക്ക് തള്ളിവിട്ടത്. അക്ഷയ് പുരി രണ്ടു വിക്കറ്റ് വീഴ്ത്തി. മംഗോളിയ ടീമിലെ അഞ്ചു പേര് സംപൂജ്യരായിരുന്നു. 11 റണ്സ് വിജയലക്ഷ്യവുമായി ഇറങ്ങിയ സിംഗപ്പുര് ഒരു വിക്കറ്റ് നഷ്ടത്തില് വെറും അഞ്ചു പന്തില് ലക്ഷ്യത്തിലെത്തി.
