പത്തനംതിട്ട: സംസ്ഥാനത്ത് സ്കൂള് വിദ്യാര്ത്ഥികള്ക്ക് മികച്ച അക്കാദമിക നിലവാരം ഉറപ്പുവരുത്തുന്നതിന് സബ്ജെക്ട് മിനിമം ഈ വര്ഷം മുതല് നടപ്പാക്കുമെന്ന് മന്ത്രി വി. ശിവന്കുട്ടി. കോഴഞ്ചേരി തെക്കേമല മാര് ബസ്ഹാനനിയ ഓഡിറ്റോറിയത്തില് അദ്ധ്യാപക ദിനാചരണവും അവാര്ഡ് വിതരണവും ഉദ്ഘാടനം ചെയ്യുകയായിരുന്നു അദ്ദേഹം.
ഈ വര്ഷം എട്ടാം ക്ലാസിലും 2025-26 അക്കാദമിക വര്ഷം എട്ട്, ഒന്പത് ക്ലാസുകളിലും 2026- 27 അക്കാദമിക വര്ഷം എട്ട്, ഒന്പത്, 10 ക്ലാസുകളിലും സബ്ജെക്ട് മിനിമം നടപ്പാക്കും. ശാസ്ത്രവും സാങ്കേതികവിദ്യയും അതിവേഗം വികസിച്ചുകൊണ്ടിരിക്കെ പാഠപുസ്തകങ്ങളുടെ പരിധിക്കപ്പുറത്തേക്ക് കുട്ടിയുടെ അറിവ് വളര്ത്തുകയാണ് വെല്ലുവിളി. തുടര്ച്ചയായ നവീകരണത്തിലൂടെയും തുറന്ന മനസോടെയുള്ള സമീപനത്തിലൂടെയും അദ്ധ്യാപകര്ക്ക് മുന്നോട്ട് പോകാനാകണമെന്നും അദ്ദേഹം പറഞ്ഞു.
മികച്ച അധ്യാപകര്ക്കുള്ള അവാര്ഡ് വിതരണം, പ്രൊഫ. ജോസഫ് മുണ്ടശ്ശേരി സ്മാരക കലാസാഹിത്യവേദി അവാര്ഡ് വിതരണം, വിദ്യാരംഗം അധ്യാപക സാഹിത്യമത്സര വിജയികള്ക്കുള്ള സമ്മാനദാനം എന്നിവയും അദ്ദേഹം നി
ര്വഹിച്ചു.
മന്ത്രി വീണാ ജോര്ജ് അധ്യക്ഷയായി. പ്രമോദ് നാരായണ് എംഎല്എ, ജില്ലാ പഞ്ചായത്ത് പ്രസിഡന്റ് രാജി പി. രാജപ്പന്, പൊതു വിദ്യാഭ്യാസ വകുപ്പ് പ്രിന്സിപ്പല് സെക്രട്ടറി റാണി ജോര്ജ്, ഡയറക്ടര് എസ് ഷാനവാസ്, എസ്സിഇആര്ടി ഡയറക്ടര് ആര്. കെ. ജയപ്രകാശ്, സമഗ്രശിക്ഷാ കേരളം സ്റ്റേറ്റ് പ്രോജക്ട് ഡയറക്ടര് എ.ആര്. സുപ്രിയ, കൈറ്റ് സിഇഒ കെ. അന്വര് സാദത്ത് തുടങ്ങിയവര് പങ്കെടുത്തു.
