തൃശൂര്‍:കോണ്‍ഗ്രസിലെ പവര്‍ ഗ്രൂപ്പിനെയും അവരുടെ രീതികളെയും കുറിച്ച് സിമി റോസ് ബെല്‍ ജോണ്‍ പറഞ്ഞത് മുഴുവന്‍ അവരുടെ മാത്രം അഭിപ്രായമല്ലെന്നും പാര്‍ട്ടിക്കുള്ളിലെ നിരവധി വനിതാ നേതാക്കളുടേയും പ്രവര്‍ത്തകരുടേയും അഭിപ്രായമാണെന്നും ബിജെപി നേതാവ് പദ്മജ വേണുഗോപാല്‍. പവര്‍ ഗ്രൂപ്പിനെ കുറിച്ച് പറയാന്‍ സിമി റോസ്ബെല്‍ ജോണ്‍ ആര്‍ജവം കാണിച്ചുവെന്നതാണ് ഇപ്പോഴുണ്ടായിരിക്കുന്നതെന്നും പദ്മജ പറയുന്നു.
ഫേസ്ബുക് പോസ്റ്റിലാണ് പദ്മജയുടെ പ്രതികരണം. കോണ്‍ഗ്രസിനുള്ളില്‍ നേരിടുന്ന ചൂഷണങ്ങള്‍ തുറന്ന് പറയാന്‍ ധൈര്യം കാണിച്ച സിമി റോസ്ബെല്‍ ജോണിനെ പോലുള്ള നേതാക്കളെ അഭിനന്ദിക്കുന്നുവെന്നും അവര്‍ ഫേസ്ബുക് പോസ്റ്റില്‍ കുറിച്ചു.
കോണ്‍ഗ്രസിനുള്ളിലെ പവര്‍ ഗ്രൂപ്പിന് വേണ്ടപ്പെട്ടവര്‍ക്ക് വളരെ പെട്ടെന്ന് ഉന്നത സ്ഥാനമാനങ്ങള്‍ ലഭിക്കുന്നുണ്ടെന്നും പദ്മജ പറഞ്ഞു.സിമി പറഞ്ഞ അഭിപ്രായത്തോട് യോജിപ്പുള്ള നിരവധി കോണ്‍ഗ്രസ് നേതാക്കളുണ്ട്. വരും ദിവസങ്ങളില്‍ അവരും തുറന്നു പറയുമെന്ന കാര്യത്തില്‍ തനിക്ക് സംശയമില്ലെന്ന് മുന്‍ കോണ്‍ഗ്രസ് നേതാവ് കൂടിയായ പത്മജ കുറിച്ചു.
സംസ്‌കാരശൂന്യമായി അധിക്ഷേപിച്ചാല്‍ നിയമപരമായി എങ്ങനെ നേരിടണമെന്ന് വ്യക്തമായി ബോധ്യമുള്ളയാളാണ് സിമിറോസ് ബെല്‍ ജോണെന്നും പദ്മജ പറഞ്ഞു.
പ്രതികരിക്കാൻ ഇവിടെ എഴുതുക: