ന്യൂഡല്ഹി: മലയാള സിനിമാ മേഖലയില്നിന്നു തനിക്കു മോശം അനുഭവം ഉണ്ടായിട്ടുണ്ടെന്നു വൈശാലി സിനിമയിലെ നായിക സുപര്ണ ആനന്ദ്. വൈശാലി, ഞാന് ഗന്ധര്വന് തുടങ്ങിയ ചിത്രങ്ങളിലൂടെ മലയാളികള്ക്കിടയില് ശ്രദ്ധനേടിയാണ് സുപര്ണ. പ്രശ്നങ്ങള്ക്ക് ഇനിയെങ്കിലും പരിഹാരം വേണമെന്നും സുപര്ണ പറഞ്ഞു.
പീഡനക്കേസില് പ്രതിയായ നടന് മുകേഷ് എംഎല്എ സ്ഥാനം രാജി വയ്ക്കണം. മുതിര്ന്ന നടന്മാരായ മമ്മൂട്ടിയും മോഹന്ലാലും ഹേമ കമ്മിറ്റി റിപ്പോര്ട്ടില് പ്രതികരിക്കണമെന്നും സുപര്ണ അഭിപ്രായപ്പെട്ടു.
മലയാള സിനിമയില് എനിക്കും ദുരനുഭവമുണ്ടായിട്ടുണ്ട്. . വര്ഷങ്ങള്ക്കു മുന്പു നടന്ന സംഭവമായതിനാല് ഇപ്പോള് കൂടുതല് വെളിപ്പെടുത്തലിനില്ല. കാസ്റ്റിങ് കൗച്ച് ഉള്പ്പെടെയുള്ള പ്രവണതകള് നേരത്തേ സിനിമയിലുണ്ട്. ഉപദ്രവിച്ചവരുടെ പേര് പുറത്തുപറയാന് നടിമാര് കാണിച്ച ധൈര്യത്തെ അഭിനന്ദിക്കുന്നു. പരാജയമായതു കൊണ്ടാണ് അമ്മ ഭരണസമിതിക്ക് രാജി വയ്ക്കേണ്ടി വന്നതെന്നും സുപര്ണ വ്യക്തമാക്കി.
