ലക്നൗ : പ്രധാനമന്ത്രി നരേന്ദ്ര മോദിയെയും മുഖ്യമന്ത്രി യോഗി ആദിത്യനാഥിനെയും പ്രശംസിച്ച ഭാര്യയെ മുത്തലാഖ് ചൊല്ലി ഭർത്താവ് . അയോധ്യയിലാണ് സംഭവം. ബഹ്റൈച്ച് സ്വദേശിയായ യുവതി അയോധ്യയിൽ നിന്നുള്ള അർഷാദിനെയാണ് വിവാഹം കഴിച്ചത്. വിവാഹശേഷം അയോധ്യയിലെത്തിയ യുവതി പ്രദേശത്തെ വികസനം കണ്ടാണ് മുഖ്യമന്ത്രി യോഗിയേയും പ്രധാനമന്ത്രി മോദിയേയും പ്രശംസിച്ചത്. എന്നാൽ ഇത് ഭർത്താവ് അർഷാദിനെ പ്രകോപിപ്പിച്ചു,
ചൂട് പരിപ്പ് കറി യുവതിയുടെ മുഖത്ത് ഒഴിക്കുകയും ,തുടർന്ന് മുത്തലാഖ് ചൊല്ലി വിവാഹമോചനം നടത്തുകയുമായിരുന്നു . മോദിയെയും , യോഗിയെയും കുറിച്ച് അർഷാദ് അപകീർത്തികരമായ പരാമർശം നടത്തിയതായും ആരോപണമുണ്ട്. താൻ ഒരു ഗ്രാമത്തിൽ നിന്നാണ് വന്നതെന്നും വിവാഹശേഷം അയോധ്യ നഗരം തന്നെ വളരെയധികം ആകർഷിച്ചുവെന്നും യുവതി വെളിപ്പെടുത്തി. അതുകൊണ്ടാണ് താൻ യോഗിജിയേയും ,മോദിജിയേയും പ്രശംസിച്ചത് .
എന്നാൽ പ്രശംസ കേട്ട് ഭർത്താവ് വഴക്കുണ്ടാക്കുകയും തന്നെ വീട്ടിൽ നിന്ന് പുറത്താക്കുകയും ചെയ്തു. അനുരഞ്ജനത്തിന് ശേഷം യുവതി ഭർത്താവിന്റെ വീട്ടിൽ തിരിച്ചെത്തിയപ്പോൾ മർദ്ദിക്കുകയും , തിളച്ച കറി ശരീരത്തിൽ ഒഴിക്കുകയും ചെയ്തുവെന്നും യുവതി പറയുന്നു.
