തിരുവനന്തപുരം: മുതലപ്പൊഴിയില്‍ വള്ളം മറിഞ്ഞ് കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. അഞ്ചുതെങ്ങ് സ്വദേശി ബെനഡിക്ട്(45)ന്റെ മൃതദേഹമാണ് ലഭിച്ചത്.
കഴിഞ്ഞ ശനിയാഴ്ച മത്സ്യബന്ധനം കഴിഞ്ഞ് മടങ്ങി വരുമ്പോഴായിരുന്നു അപകടം. ശക്തമായ തിരയില്‍ വള്ളം തലകീഴായി മറിയുകയായിരുന്നു. നാലു പേരാണ് വള്ളത്തില്‍ ഉണ്ടായിരുന്നത്.
രണ്ടുപേരെ മറൈന്‍ ഇന്‍ഫോഴ്‌സ്‌മെന്റാണ് രക്ഷപ്പെടുത്തിയത്. ഒരാളെ മറ്റൊരു വള്ളത്തില്‍ കയറ്റി രക്ഷപ്പെടുത്തി. കാണാതായ ബെനഡിക്ടിനായി തിരച്ചില്‍ നടത്തി വരുന്നതിനിടെയാണ് ഇന്ന് രാവിലെ പുതുക്കുറിച്ചി തീരത്ത് മൃതദേഹം കണ്ടെത്തിയത്.
