തിരുവനന്തപുരം: കേരളത്തില്‍ ദുരിതാശ്വാസ പ്രവര്‍ത്തനങ്ങള്‍ക്ക് വേണ്ടി നാട് മുഴുവന്‍ ഒന്നിച്ച് കൈകോര്‍ത്ത് ആശ്വാസമേകുമ്പോള്‍ തന്റെ നേട്ടങ്ങള്‍ വിളമ്പാന്‍ ധൂര്‍ത്തിന്റെ പര്യായമായ മുഖ്യന്‍ ഇറങ്ങിയിരിക്കുന്നത്.
തന്റെ ഭരണപാടവം അയല്‍ സംസ്ഥാനങ്ങളിലും അറിയിക്കാന്‍ മുട്ടി നില്‍ക്കുകയാണ്. എന്താണ് ഭരണനേട്ടമെന്ന് കേരളത്തിലെ ജനങ്ങള്‍ക്ക് നല്ലവണ്ണം അറിയാം.
സംസ്ഥാന സര്‍ക്കാര്‍ നേട്ടങ്ങള്‍ അഞ്ച് സംസ്ഥാനങ്ങളിലെ വെള്ളിത്തിരയില്‍ പ്രദര്‍ശിപ്പിക്കാന്‍ 18 ലക്ഷം രൂപയാണ് അനുവദിച്ചിരിക്കുന്നത്. കര്‍ണ്ണാടക, ആന്ധ്രാപ്രദേശ്, മഹാരാഷ്‌ട്രാ, മധ്യപ്രദേശ്, ദില്ലി എന്നിവിടങ്ങളിലെ തിയേറ്ററുകളിലാണ് കേരള സര്‍ക്കാറിന്റ നേട്ടങ്ങള്‍ പ്രദര്‍ശിപ്പിക്കുന്നത്.
നഗരകേന്ദ്രങ്ങളിലെ 100 തിയേറ്ററുകളിലാണ് ഒന്നരമിനുട്ടുള്ള വീഡിയോ പ്രദര്‍ശിപ്പിക്കുന്നത്. സെക്രട്ടറിമാര്‍ ഉള്‍പ്പെടുന്ന വര്‍ക്കിംഗ് ഗ്രൂപ്പിന്റെനിര്‍ദ്ദേശ പ്രകാരമാണ് നടപടിയെന്ന് ഉത്തരവില്‍ പറയുന്നുണ്ട്. വീഡിയോ തയ്യാറാക്കാന്‍ ഏജന്‍സികളെ കണ്ടെത്തും. ചുരുങ്ങിയത് 28 ദിവസം വീഡിയോ പ്രദര്‍ശിപ്പിക്കാനാണ് തീരുമാനം. 18 ലക്ഷത്തി 19,843 രൂപയാണ് കഴിഞ്ഞ ദിവസം അനുവദിച്ചത്
പിആര്‍ഡിഎം പാനല്‍ ചെയ്ത ഏജന്‍സികളും സാറ്റലൈറ്റ് ലിങ്ക് മുഖാന്തിരം തീയേറ്ററുകളില്‍ സിനിമ പ്രദര്‍ശനം നടത്തുന്ന ക്യൂബ്, യുഎഫ്ഒ എന്നീ ഏജന്‍സികള്‍ വഴിയാണ് പിണറായി ഈ പദ്ധതി പ്ലാന്‍ ചെയ്യുന്നത്.
നവകേരള സദസ്സിന്റെ പ്രചാരണത്തിന് ഹോര്‍ഡിംഗുകള്‍ വച്ച വകയില്‍ 2കോടി 46 ലക്ഷം രൂപയും കഴിഞ്ഞ ദിവസം അനുവദിച്ചിരുന്നു. കേരളത്തില്‍ ഉടനീളം 364 ഹോര്‍ഡിംഗുകളാണ് സ്ഥാപിച്ചിരുന്നത്. 55 കോടിക്ക് പിആര്‍ഡി ആദ്യം തയ്യാറാക്കിയ എസ്റ്റിമേറ്റ് പിന്നീട് ഉയരുകയായിരുന്നു. കലാജാഥ സംഘടിപ്പിച്ചതിന് 48 ലക്ഷം രൂപയും കെഎസ്ആര്‍ടിസി ബസ്സിലെ പ്രചാരണ പോസ്റ്റര്‍ പതിപ്പിച്ചതിന് 16.99 ലക്ഷം രൂപയും റെയില്‍വെ ജിംഗിള്‍സിന് 41.21 ലക്ഷം രൂപയും ആണ് ചെലവ്.
